Olíufélögin dæmd til þess að greiða Vestmannaeyjabæ 10 milljónir

3.Apríl'09 | 17:27

Vestmannaeyjar Vestmannaeyjabær

Ker, Skeljungur og Olíuverzlun Íslands voru í morgun dæmd til þess að greiða Vestmannaeyjabæ 10 milljónir króna í bætur vegna tjóns er hlaust af útboði vegna eldsneytiskaupa í apríl 1997, vegna samráðs olíufélaganna við gerð tilboða. Elliði Vignisson bæjarstjóri í Vestamannaeyjum fagnar niðurstöðu héraðsdóms og segir þá sem stýrðu þessum brotum hafa grafið undan trausti fólks á starfsemi viðskiptalífsins.
„Vestmannaeyjabær fagnar af sjálfsögðu þessari niðurstöðu þótt vart geti hún talist koma á óvart. Skaðinn af þessum viðskiptaháttum er reyndar langtum meiri en þessar fébætur segja til um. Bæði var beinn kostnaður a.m.k. helmingi hærri og það sem verra er, er hversu mjög þessi óheiðarleiki hefur komið niður á viðskiptatrausti almennt," segir Elliði.

Hann segir ennfremur að umrædd félög og þeir sem þeim stýrðu hafi grafið undan trausti fólks á starfsemi viðskiptalífsins og það megi ekki láta viðgangast.

„Það er algerlega ljóst í okkar huga að við sitjum ekki undir því að fyrirtæki telji sig geta seilst með fingur í almannafé á þann máta sem hér var gert. Það er skylda okkar gagnvart íbúum í Vestmannaeyjum að gæta að rétti okkar og Vestmannaeyjabær mun klárlega fylgja þessu máli áfram á efri dómstig ef með þarf."

Þetta kemur fram í tilkynningu frá Vestmannaeyjabæ

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is