Síldin í Vestmannaeyjahöfn verði rannsökuð betur

24.Mars'09 | 21:24
Sjávarútvegsráðuneytið hefur óskað eftir því við Hafrannsóknastofnun að aflað verði frekari gagna um ástandið í höfninni í Vestmannaeyjum í samstarfi við heimamenn og Heilbrigðiseftirlit Suðurlands, til þess að unnt sé að meta þá mengunarhættu sem bæjaryfirvöld í Vestmannaeyjum telja að stafi af sýktri síld, sem þar heldur sig.

Veiðar á síldinni voru leyfðar tímabundið  í síðustu viku á grundvelli umsagnar Heilbrigðiseftirlits Suðurlands með skilyrði um sýnatöku af síldinni undir eftirliti Hafrannsóknastofnunarinnar. Veidd voru 500-600 tonn í þessu skyni. Eftir rannsókn lagðist stofnunin gegn áframhaldandi veiðum, þar sem hún hefur verulegur áhyggjur af síldarstofninum og telur nokkrar líkur á að síldin gangi út úr höfninni.

Sjávarútvegsráðuneytið segir, að talið sé að rúmlega fjórðungur síldarinnar (27%) sé ósýktur og mikilvægt sé að vernda þann hluta. Því þurfi mjög ríka ástæðu til að víkja frá gildandi veiðireglum og verndunar­sjónarmiðum. Á þessum grundvelli stöðvaði ráðuneytið veiðarnar.

Bæjarstjórinn í Vestmannaeyjum mótmælti þessari stöðvun bréflega um helgina og krafðist áframhaldandi heimildar til veiða. Jafnframt hefur ráðuneytinu borist ítrekuð umsögn Heilbrigðis­ftirlits Suðurlands, þar sem tekið er undir kröfu bæjarstjórans.

Hefur ráðuneytið nú óskað eftir því við Hafrannsóknastofnunina að afla enn frekari gagna um ástandið í höfninni í samstarfi við heimamenn og Heilbrigðiseftirlit Suðurlands, til þess að unnt sé að meta þá mengunarhættu sem bæjaryfirvöld í Vestmannaeyjum hafa áhyggjur af. Niðurstöður munu liggja fyrir innan fárra daga og mun ráðuneytið þá taka ákvörðun um framhaldið.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).