Opið bréf til Ísfélagsins

10.Mars'09 | 09:46

Atli Gíslason VG Vinstri Grænir

  Í síðustu viku sagði stjórn Ísfélagins upp tveimur af þremur yfirstjórnendum félagsins, þeim Ægi Páli Friðbertssyni og Baldvini Johnsen á þeim forsendum að þeir hefðu farið út fyrir heimildir í störfum sínum hvað varðar svonefnda afleiðusamninga eða gjaldeyrisskiptasamninga. 
Herði Óskarssyni, yfir- og ábyrgðarmanni Baldvins, var einhverra hluta vegna ekki sagt upp.  Mér er sagt að þar hafi tengsl við Sjálfstæðisflokkinn ráðið en ég neita að trúa því.  Í fararbroddi þessara uppsagna fer Gunnlaugur Sævar Gunnlaugsson, stjórnarformaður Ísfélagsins og einn af forvígismönnum nýfrjálshyggju Sjálfstæðisflokksins, sem almenningur sýpur nú seyðið af. 

Hann hefur í krafti áhrifa sinna innan Sjálfstæðisflokksins og annarra valdastofnana íslensks samfélags síðastliðin 18 ár haft fulla innsýn, vald og eigendaafskipti í íslenska einkabankakerfinu, sem nú er gjaldþrota.  Ég held því fram að hann hafi mátt og átt að sjá fyrir bankahrunið og vitað eða mátt vita allt um þá gjaldeyrisskiptasamninga sem framkvæmdastjóri, fjármálastjóri og fjárreiðustjóri Ísfélagsins gerðu í þágu félagsins og höfðu gert lengi án nokkurra athugasemda frá stjórn félagsins.  Nú hafa komið fram upplýsingar um að einkabankarnir tóku afstöðu gegn íslensku krónunni en ráðlögðu á sama tíma útgerðum og fiskvinnslufyrirtækjum að taka afstöðu með krónunni.  Seldu í raun svikna vöru. 

Er Gunnlaugur Sævar Gunnlaugsson að búa til stöðu gegn skilanefndum gjaldþrota bankanna og nýju bönkunum á kostnað heiðarlegra fjölskyldna í Eyjum?  Með hliðsjón af framanrituðu og fréttatilkynningu Baldvins mælist ég til þess að stjórn Ísfélagsins, þau Gunnlaugur Sævar Gunnlaugsson, Guðbjörg Matthíasdóttir og Þórarinn Sigurðsson, biðji hann og fjölskyldu hans afsökunar.        
  
Atli Gíslason, alþingismaður. 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).