Kosningaloforð mitt til þín

10.Mars'09 | 19:17

Unnur brá

Í aðdraganda kosninga hafa stjórnmálamenn oft á tíðum reitt fram mikil kosningaloforð sem sum hver hljóða upp á mikinn kostnað og reynast stundum án innistæðu. Slík pólitík er ekki ábyrg og ég mun ekki stunda hana. Kosningar í vor munu ekki snúast um það hvaða flokkur lofar mestum samgöngubótum eða öðru slíku heldur um það hver nær að leggja fram ábyrga sýn til framtíðar.

Verkefni komandi kjörtímabils er að endurreisa íslenskt efnahagslíf, endurreisa bankakerfið og atvinnulífið og tryggja með því þeim heimilum og fyrirtækjum sem á þurfa að halda endurfjármögnun. Skera þarf niður opinber útgjöld, skilgreina hvaða þjónustu og starfsemi ríkið þarf að halda úti og forgangsraða skynsamlega. Það er ekki til nein skyndilausn á þeim vanda sem við erum í en ef við skiptum endurreisnarverkefninu niður í áfanga og setjum okkur skýr markmið, þá munum við ná árangri. Bjartsýni, dugnaður og framtak einstaklinganna mun nýtast okkur best í þeirri uppbyggingu sem framundan er.

Þrátt fyrir allt byggir samfélagið okkar á traustum stoðum. Menntunarstig er hátt og tækifæri í orkumálum eru gríðarleg. Sjávarútvegur, iðnaður og landbúnaður er hvergi öflugri en hér í Suðurkjördæmi. Það eðli Íslendinga að bjarga sér sjálfir, vinna mikið og áberandi hugmyndaaugi er auðlind sem þarf að nýta.  Á þessum stoðum munum við byggja okkar framtíð.
Kosningaloforð mitt til þín er einfalt: Ég lofa því að starfa af heilindum og krafti að þeim verkefnum sem fyrir liggja í Suðurkjördæmi.

Unnur Brá Konráðsdóttir er sveitarstjóri í Rangárþingi eystra og gefur kost á sér í 2. sæti lista Sjálfstæðisflokksins í Suðurkjördæmi.

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.