Erum á landleið með Gulldeplu, enn er farið að langa á Loðnu!

17.Febrúar'09 | 07:26

Álsey

Eftir fjögur höl á fjórum dögum, þá erum við komnir með rúm 400 tonn af þessum knáa en smá fisk Gulladeplu og erum á landleið. Það var híft í dag um fjögurleitið djúpt suðvestur af Vestmanneyjum í skítabrælu, því full ástæða að koma sér í land. Því verðum við komnir til Eyja snemma í fyrramálið.

Það er farið að gæta smá taugatitrings vegna ástandsins á loðnumiðunum hér sem annarstaðar.
Loðnuganga sem verði er að elta er kominn full langt miða við árstíma og hrognafylling 21% því stutt í kreistingu.

Erum við farnir að lengja eftir því að komast á loðnu. En það virðist ætla að dragast á langinn. Þar sem enn hefur ekki tekist að finna nægilega mikið af hrygningarloðnu til að gefa út kvóta, samkvæmt fréttum frá Hafró í morgun. Því heldur óvissan áfram um hvort veidd verði loðna eða ekki þetta árið. Ástandi er farið að líkjast því sem við sáum í fyrra, að því undanskildu að þá var búið að gefa út kvóta og hann síðar tekinn af, sælla minninga eða þannig! Í dag er 16 febrúar og því alltof snemmt að blása þessa loðnuvertíð af. Í fyrra var sett á loðnuveiðibann 21. febrúar en veiðar heimilaðar að nýju 27. febrúar í kjölfar þess að ný loðnaganga kom upp á grunnin.

Alls veiddu Íslensku skipin þá 149.000 þúsund tonn sem gáfu 11,7 milljarða í þjóðarbúið. Skiljanlega þá liggur mikið undir að vel takist til með að finna meira af hrygningarloðnu, því mikilvægt að miðin verði vöktuð. Svo er spurning hvort ekki megi taka undir áskorun frá Bæjarstjórn Vestmanneyja um að leyfa veiði á 30-50.000 tonnum, sem gætu gefið þjóðarbúskapnum 4-5 milljarða. Þá væri það gert með að taka af þessum 400.000 sem hafa fundist og vona að það finnist meira, erum við ekki jafn dauð? Nú er bara að bíða og sjá hvernig nýr Sjávarútvegsráðherra tekur þessari áskorun.
En ég ætla að leyfa mér að vera bjartsýn og segja að við verðum farnir á loðnuveiðar um næstu helgi;-)...

Ég læt þetta duga í dag. Bestu kveðjur frá Álsey á landleið, Kristó...

www.123.is/alseyve2

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.