Mun Herjólfur sigla í Bakkafjöru?

15.Febrúar'09 | 09:00

Herjólfur

Verið er að skoða hvort hægt sé að nota Vestmannaeyjaferjuna til siglinga milli Eyja og Landeyjahafnar. Þetta segir Grímur Gíslason, sem hefur lengi tekið þátt í undirbúningi aukinna ferjusiglinga milli lands og Eyja.

Ákveðið var undir lok síðasta árs að fresta smíði nýrrar ferju sem myndi sigla milli Landeyjahafnar og Vestmannaeyja. Grímur segir í grein á vefnum Eyjafréttum.is, að nú sé helst til skoðunar hjá Siglingastofnun, að nota núverandi Herjólf til siglinga í Bakkafjöru, þegar höfnin þar verði tilbúin til notkunar um mitt ár 2010. Þetta þurfi ekki að  vera slæm­ur kostur og vert að skoða hann.

Grímur segir, að verið sé að kanna möguleika á að dýpka niður á sandrifið þannig að djúprista skipsins verði ekki takmarkandi þáttur við innsiglingu í höfnina. Slík dýpkun færi þá fram einu sinni til tvisvar á ári.

„Það er mikill munur á því hvort siglt er tæpa 3 tíma til Þor­lákshafnar eða hálftíma í Bakka­fjöru og núverandi Herjólfur getur að mínu mati vel leyst það verkefni að sigla milli Eyja og Bakkafjöru. Herjólfur er öflugt og gott sjóskip sem reynst hefur vel og stálið er í lagi þó að skipið sé að verða 17 ára. Að sjálfsögðu þarf að fara í endurbætur á skipinu. Endurnýja vél­búnað, farþegaaðstöðu og fleira, sem orðið er lúið, og einnig að gera breytingar sem nauðsynlegar eru til að skipið uppfylli nýjar öryggis­kröfur. Að slíkum endurbótum loknum er ekkert því til fyrirstöðu að skipið geti vel leyst þetta verk­efni næstu árin," segir Grímur m.a.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).