Verð fljótlega kominn í senterinn

14.Febrúar'09 | 19:36

Hemmi Hreiðars Hermann Hreiðarsson

Hermann Hreiðarsson leikmaður Portsmouth og fyrirliði íslenska landsliðsins var að vonum léttur í lund þegar Fótbolti.net náði tali á honum eftir 2-0 sigur sinna manna á Manchester City í ensku úrvalsdeildinni í dag. Gengi Portsmouth hefur verið slakt að undanförnu og var því um lífsnauðsynlegan sigur að ræða í botnbaráttunni.
„Það segir sig sjálft að þetta var nauðsynlegur sigur fyrir okkur. Við höfum alltaf vitað það að við erum með góðan mannskap, við þurftum bara að vinna leiki. Þetta var verðskuldaður sigur í dag, þeir áttu eitt skot á mark þannig að það var engin spurning," sagði Hermann við Fótbolta.net eftir leikinn í dag.

Hermann skoraði í sínum öðrum leik í röð þegar hann skoraði seinna mark Portsmouth með stórglæsilegum skalla en hann skoraði einnig seinna mark liðsins í 3-2 tapi gegn Liverpool um síðustu helgi. Peter Crouch framherji liðsins hefur aftur á móti ekki enn skorað deildarmark á árinu, svo er ekki spurning um að senda Hermann bara í senterinn?

„Jú jú, maður hlýtur að vera kominn þangað fljótlega ef maður heldur svona áfram, sagði Hermann í léttum tón.

Hann hefur nú verið í byrjunarliði Portsmouth í fjórum leikjum í röð eftir mikla bekkjarsetu framan af tímabilinu og viðurkennir hann að lífið á Fratton Park sé mun skemmtilegara núna. Hann útilokar jafnvel ekki þann möguleika á að vera um kyrrt hjá bikarmeisturunum eftir tímabilið.

„Jú, þetta er miklu skemmtilegara. Ég er búinn vera að bíða eftir þessu því að fyrir mig snýst þetta bara um að vera að spila. Ég nennti ekkert að hanga hérna nema ég fengi að spila og nú hefur það breyst þannig að þetta er bara allt annað líf, það er engin spurning."

„Við sjáum hvernig áframhaldið verður, hvort að maður spili ekki svolítið. Þá sest maður kannski niður og sér til hvað er hægt að gera."


Tony Adams stjóri Portsmouth var látinn taka pokann sinn síðastliðinn mánudag eftir einungis fjóra mánuði í starfi en liðið hafði verið án sigurs síðan 30. nóvember í fyrra. Hermann vill ekki segja til um hvort að hans tími hafi verið kominn en hann bendir jafnframt á að það sé ekki mikil þolinmæði í þessum bransa.

„Já kannski (var hans tími kominn) ,ég veit það ekki. Það er ekki alveg mitt að kalla það. En þegar stigin eru ekki að koma á töfluna skiptir í rauninni engu máli hvernig þú ert að spila. Það skiptir bara máli að fá stig. Það er ekki mikil þolinmæði í þessum heimi og það verður aldrei. Menn vita það alveg,"sagði Hermann við Fótbolta.net að lokum.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.