„Sé ekki betur en að við verðum að spila í hádeginu“

13.Febrúar'09 | 07:29

Flugfélag Íslands, Þjóðhátíð, Flugvöllur

EYJAMENN eru trúlega þeir sem borga hvað mest í ferðakostnað vegna þátttöku í íþróttum, en að sögn Friðbjörns Ó. Valtýssonar, framkvæmdastjóra ÍBV, nam ferðakostnaður félagsins um 23 milljónum króna í fyrra. Hann vonast til að fá á sjöundu milljón úr ferðasjóði íþróttafélaga sem úthlutað verður úr á næstunni. Þessi kostnaður er aðeins vegna þátttöku liða úr Eyjum í Íslandsmótum og ekki óvarlegt að ætla að tvöfalda megi þessa upphæð til að fá út heildarferðakostnað ÍBV á síðasta ári.

„Við erum auðvitað þannig í sveit settir að þurfa að ferðast um langan veg í hvern einasta útileik hjá okkur og það kostar vissulega mikið. Kostnaðurinn við ferðir á Íslandsmót í handbolta og fótbolta í öllum flokkum var í kringum 23 milljónir. Það er svona nokkuð hefðbundinn kostnaður hjá okkur, enda svipuð starfsemi hjá okkur núna og undanfarin ár," sagði Friðbjörn í samtali við Morgunblaðið í gær.

Hann sagði Eyjamenn gífurlega þakkláta fyrir að fá eitthvað til baka úr ferðasjóði íþróttafélaganna, þótt mikið vantaði samt upp á að fullur jöfnuður næðist. „Í fyrra fengum við 3,5 milljónir og þá var úthlutað 30 milljónum. Nú verður 60 milljónum úthlutað þannig að við erum að vonast til að fá eitthvað á milli sex og sjö milljónir.

Við erum ákaflega þakklát fyrir að þessum sjóði skuli hafa verið komið á og erum alls ekki að vanþakka það. Hitt er svo annað mál að það er slæmt að ekki skuli ætlunin að standa við samninginn og hafa 90 milljónir á næsta ári," segir framkvæmdastjórinn.

Flugvelli lokað um kvöldmat
Hann sagði Eyjamenn hafa orðið áþreifanlega vara við kreppuna og nú síðast vegna fyrirhugaðra aðhaldsaðgerða hjá samgönguráðuneytinu. „Við fengum bréf frá Flugstofu í vikunni þar sem segir að ráðuneytið geri þeim skylt að draga verulega saman í rekstri á þessu ári. Eitt af því sem á að gera er að draga úr afgreiðslutíma flugvallarins hér í Eyjum og er búið að ákveða hvernig hann verður. Frá 1. apríl til 10. júní verður flugvellinum lokað klukkan 19.30 takk fyrir. Frá 11. júní til 10. ágúst verður flugvellinum lokað klukkan 20.30. Yfir vetrartímann verður honum lokað klukkan 19.00.

Þetta er útilokandi aðgerð. Ég veit eiginlega ekki hvað þetta þýðir fyrir okkur, en í alvöru talað þá er nánast verið að útiloka okkur frá þátttöku í þessum mótum - það er ekkert öðruvísi.

Síðan stendur hér í þessu bréfi að opnun á flugvelli á tímabilinu 16. apríl til 14. október kostar 15.000, fyrir hverja vél þá væntanlega, og 21.000 á veturna.

Nánar í Morgunblaðinu í dag

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.