Dagur leikskólans haldinn hátíðlegur í annað sinn

3.Febrúar'09 | 09:56

kirkjugerði

Dagur leikskólans er 6. febrúar en þann dag árið 1950 stofnuðu frumkvöðlar leikskólakennara á Íslandi fyrstu samtök sín. Leikskólar um allt land halda daginn hátíðlegan með ýmsum hætti og í samvinnu kennara, foreldra, nemenda og skólayfirvalda.

Félag leikskólakennara, Heimili og skóli, menntamálaráðuneytið og Samband íslenskra sveitarfélaga tóku í fyrra höndum saman um að stuðla að því að beina athygli að leikskólanum og því góða og fjölbreytta mennta- og uppeldisstarfi sem þar fer fram.

Ákveðið var að halda dag leikskólans 6. febrúar ár hvert en þann dag árið 1950 stofnuðu frumkvöðlar leikskólakennara fyrstu samtök sín sem fyrr er getið. Markmiðið með deginum er að gera þegna samfélagsins meðvitaðri um þýðingu leikskólastarfs fyrir börn, styrkja jákvæða ímynd leikskólakennslu og auka áhuga fólks á því að starfa í leikskólum.

Leikskólar Vestmannaeyjabæjar ætla í tilefni dagsins að efna til myndlistasýningar í anddyri Safnahússins. Sýningin mun standa yfir frá 6. - 13. febrúar. Yfirskrift sýningarinnar er Leikskólinn minn.

Kveðja frá 9.deild félag leikskólakennara  í Vestmannaeyjum

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.