Álseyjarþrek, heilsuvakning og Gulldepluveiðar framundan

30.Janúar'09 | 08:29

Álsey

Þessa dagana erum við að koma upp þrekaðstöðu niðrá millidekki undir styrkri stjórn Bogga kúlusmiðs og hans hundtrygga aðstoðarmanns Einars Ottós. Þá hefur Sibbi, Bjarki og undirritaður rétt hjálpar hönd. Á sama tíma hefur annar hluti áhafnar verið að vinna við veiðarfæri þau sem við ætlum okkur með til Gulldepluveiðar í næstu viku.

Ísfélag Vestmannaeyja vinnur nú að heilsueflingu meðal sjómanna sem starfa hjá félaginu. Og munum við áhöfnin á Álsey fórna okkur í verkið fyrstir áhafna Ísfélagsins. Erum við smá saman að koma okkur í gír fyrir heilsufarsvakninguna. Þar mun "Álseyjarþrek" spila stóra rullu, auk þess þá ætlum við að taka okkur á í mataræði, gera einhverjar breytingar í matreiðslu. Er þetta gert að frumkvæði TM og hennar Sonju Sifjar sem er forvarnar fulltrúi þeirra hjá TM. Tilgangur augljós, koma okkur í betra form, bætt líðan og heilsuhraustari áhöfn. Til að koma þessu af stað vorum við strákarnir á Álsey vigtaðir og mældir í bak og fyrir. Fórum í stöðupróf og fitu­mæl­ingu á Hressó. Auk þess sá Heilsugæslan um að mæla hæð, þyngd, kólesteról, blóð­þrýsting, glúkósa, lungnapróf og fórum við allir í hjartalínurit.

Hún Anna Dóra hjá Hressó hvatti okkur í framhaldi  að halda hreyfidagbók. Hún Sonja Sif hefur svo yfir­umsjón með verkefninu og mun væntanlega koma fljótlega og messa yfir okkur öllum, auk þess sem hún mun gefa mér góð ráð varðandi breyttar áherslur í matreiðslu.

Það er svo undir hverjum og einum komið hvað menn ætla sér og sjálfsöguð er misjafnt ástand á okkur. En á heildina litið þá komum við ágætlega út úr stöðuprófi í Hressó að sögn Önnu Dóru. Enginn betur en Kallinn sjálfur Óli Einars sem er í hörku formi. Sumir þurfa að léttast meðan aðrir mættu þyngjast.Til að gefa einhverjar hugmyndir þá mætti Álsey VE 2 vera um 100 kg plús. léttari í sumar. Sundurliðun verður ekki gefin upp að svo stöddu. En núna hafa allir sitt viðmið og þó gaman væri að etja mönnum saman, þá á þetta að vera keppni hvers og eins um að ná raunhæfum markmiðum, því læt ég það vera að nefna hvað margir höfðu betur en hann Sibbi í stöðuprófi á Hressó;-) Þá læt ég þetta duga og kem með fréttir af okkur síðar um leið bendi á að ég hef sett nokkrar myndir í albúm frá Hressó og framkvæmdum á millidekki. Bestu kveðjur frá Eyjum Kristó...

www.123.is/alseyve2

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.