Leikskólagjöld hafa lítið hækkað að undanförnu

28.Janúar'09 | 08:42

Vestmannaeyjar Vestmannaeyjabær

Litlar breytingar hafa orðið á leikskólagjöldum frá janúar 2008 til janúar 2009 og eru þess jafnvel dæmi að þau hafi lækkað umtalsvert. Þannig hefur gjaldskrá leikskóla í Vestmannaeyjum verið lækkuð um rúm 18% á tímabilinu og á Akranesi nemur lækkunin allt að 12%. Með lækkunum hafa þessi tvö sveitarfélög nálgast meðaltal annara sveitarfélaga en áður voru þau með þeim sem voru með dýrustu leikskólaplássin. Hækkanir hafa orðið á fæðiskostnaði á leikskólum á Akureyri 10%og í Kópavogi 9%.

Gjald fyrir 8 tíma vistun með fæði er mjög misjafnt eftir sveitarfélögum. Hæsta mánaðargjald fyrir gifta foreldra og sambúðarfólk er 30.790 kr hjá Ísafjarðarbæ, en á móti kemur að foreldrar fá 30% afslátt á vistun á öðru barni og þurfa ekki að greiða fyrir börn umfram tvö. Dagvistargjald á leikskóla er 59% hærra á Ísafirði en í Reykjavík. Í Garðabæ, sem er með næst hæsta gjaldið, er rukkað 29.970 fyrir mánaðarvistun og er veittur 50% afsláttur af gjaldi fyrir annað barn og 75% af börnum eftir það.

Lægsta gjaldið fyrir 8 tíma vistun með fæði er í Reykjavík, þar er ekki tekið gjald fyrir vistun á barni umfram eitt, sama á við um Fjarðarbyggð. Mánaðarvistun í Reykjavík fyrir gifta foreldra og sambúðarfólk er 19.404 kr. Sértaxtar eru fyrir foreldra sem eru í námi en sá hópur greiðir 15.548 kr. á mánuði og fyrir forgangshópa kostar mánuðurinn 10.956 kr. Dagvistun fyrir forgangshópa er dýrust í Garðabæ, þar sem gjaldið er 24.890 kr.

Einstæðir foreldrar í Garðabæ, foreldrar þar sem báðir eru í námi eða þar sem annað foreldri er 75% öryrki þurfa að greiða 127% hærra gjald en sami hópur í Reykjavík.



Tekið af www.asi.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.