Fagnar ákvörðun sjávarútvegsráðherra

23.Janúar'09 | 12:19
Stjórn Útvegsbændafélags Vestmannaeyja fagnar þeirri ákvörðun Einars K.Guðfinnssonar, sjávarútvegs- og landbúnaðarráðherra, að auka heildaraflamark í þorski á yfirstandandi fiskveiðiári um 30.000 tonn.  Jafnframt fagnar stjórnin þeirri yfirlýsingu ráðherra að gert sé ráð fyrir því að heildaraflamark í þorski verði ekki lægra en 160 þúsund tonn á næsta fiskveiðiári.

Stjórnin vill ennfremur benda á að það er undir útgerðarmönnum komið hvernig þeir stýra veiðum á ársgrundvelli.  Þar þarf  að taka tillit til ástands markaða og afurðaverðs hverju sinni. Þessi ákvörðun ráðherra er m.a. tekin í ljósi þeirra efnahagserfiðleika sem þjóðarbúið á við að etja og með hliðsjón af jákvæðum vísbendingum um stöðu þorskstofnsins sem fram komu í stofnmælingu botnfiska sl. haust.  Í þeirri mælingu kom fram að heildarvísitala þorsks væri hin hæsta frá upphafi mælinga.

Stjórn Útvegsbændafélags Vestmannaeyja fagnar því að sjávarútvegsráðherra hefur með ákvörðun sinni tekið meira tillit til fiskifræði sjómannsins og reynslu sjómanna í áranna rás og beinir því til stjórnenda Hafrannsóknastofnunarinnar  að efla samstarf við þá sem starfa í sjáverútvegi og virða rökstuddar ákvarðanir ráðherra.

Stjórn Útvegsbændafélags Vestmannaeyja.
 

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.