Bæjarráð sig knúið til að benda ríkisyfirvöldum á landfræðilega sérstöðu Vestmannaeyja

14.Janúar'09 | 07:59

ráðhús ráðhúsið

Bæjarráð leggst alfarið gegn boðaðri sameiningu á Heilbrigðisstofnun Vestmannaeyja og Heilbrigðisstofnun Suðurlands og lýsir yfir sérstakri óánægju með þá ákvörðun að færa yfirráð Heilbrigðisstofnunar Vestmannaeyja frá Vestmannaeyjum.
Sú aðferðarfræði að flytja forræði og stjórn stofnana frá Vestmannaeyjum á höfuðborgarsvæðið hefur að mati bæjarráðs ekki gefist vel og er oftast fyrsta skrefið í átt að skerðingu á þjónustu og flutningi starfa frá Vestmannaeyjum.

Enn og aftur sér bæjarráð sig knúið til að benda ríkisyfirvöldum á landfræðilega sérstöðu Vestmannaeyja. Þá þarf vart að minna ríkisyfirvöld á að samgöngum við Vestmannaeyjar er enn þannig háttað að til þess að komast á Selfoss þurfa Eyjamenn að ferðast í um 4 tíma.
Í ljósi þess að veruleg hætta er á að boðuð sameining leiði til þjónustuskerðingar í Vestmannaeyjum samþykkir bæjarráð að óska eftir viðræðum við heilbrigðisráðuneytið um að sveitarfélagið taki yfir starfsemi Heilbrigðisstofnunar Vestmannaeyja. Slíkt er gert til að tryggja að þær breytingar sem boðaðar hafa verið af heilbrigðisráðuneytinu um skipulag heilbrigðisþjónustu, tryggi góða og örugga þjónustu fyrir íbúa í Vestmannaeyjum auk þess sem störf verði varin og atvinnutækifærum fjölgað.

Til að tryggja áframhaldandi gæði í starfsemi sjúkrahúss, heilsugæslu og skurðstofu og aukin tækifæri á sviði velferðarþjónustu, er mikilvægt að fyrir liggi skýr stefna til framtíðar sem verður fylgt fast eftir með framkvæmd. Vestmannaeyjabær býðst til að hafa forgöngu um það.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).