11.flokkur komnir í undanúrslit í bikarnum

11.Janúar'09 | 11:25

ÍBV karfa

11.flokkur gerðu góða ferð til Grindavíkur í gærkvöldi þar sem þeir unnu heimamenn 59-61 í 8 liða úrslitum bikarkeppninnar eftir spennandi lokamínútur. Leikurinn var í rauninni aldrei jafn né spennandi þar sem okkar menn voru mun betri þrátt fyrir að það vantaði 3 lykilmenn og þar af voru þar á ferð 2 byrjunarmenn.

Staðan var 10-14 fyrir ÍBV eftir 1. leikhluta en við vorum ekki að spila vel á þessum kafla. Staðan í hálfleik var 22-30 fyrir okkur og virtist sem við ætluðum loksins að stinga Grindavik af. Eftir 3. leikhluta var 35-41 og við ennþá yfir. Okkar lið náði svo mest langþráðri 12 stiga forystu 38-50 í byrjun lokaleikhlutans en fljótlega eftir það kom mjög slakur kafli þar sem við leyfðum heimamönnum að komast inn í leikinn og einnig voru Grindvíkingar á þessum kafla að hitta úr fáránlegum skotum. Náðu þeir að komast yfir 57-56 og komin þarna óþarfa spennandi kafli en okkar menn náðu að klára þetta þar sem Alexander hitti úr 2 vítaskotum þegar 2.6 sekúndur voru eftir og innsiglaði sætan sigur. Grindavík fékk hinsvegar innkast á miðju og fengu gott tækifæri til að jafna en Kristján varði skot leikmanns Grindavíkur með stæl og ÍBV komnir í undanúrslit í fyrsta sinn í sögu ÍBV í körfubolta!

Þjálfarinn setur stórt spurningarmerki við ritararborðið þessar síðustu 2.6 sekúndur en heimamenn sóttu á körfuna og náðu að senda 2 sendingar og meira segja drippla boltanum 2 sinnum frá miðju á 2.6 sekúndum. Það er ekki fræðilegur möguleiki nema þú heitir Carl Lewis og voru þetta í rauninni 4 sekúndur alls þangað til að klukkan loksins gall en það kom ekki fyrr en eftir skotið meira segja og var dómari leiksins sammála því eftir leik. Góð útfærsla samt hjá Grindavík þetta innkastkerfi en þeir hefðu þurft 3.5 sekúndur til að landa þessu löglega.

Góður sigur og sýndu okkar leikmenn mikinn karakter að ná að landa þessu þrátt fyrir kæruleysi og mótlæti í lokin og líka að spila aðeins 7 og vanta 3 mikilvæga leikmenn. Fögnuður okkar manna í lokin var mjög mikill og allir í skýjunum með þetta. Alexander Jarl og Kristján báru sóknarleikinn á herðum sér og fóru þeir á kostum en aðrir leikmenn voru ekki að gera mikið sóknarlega í þessum leik. Teddi og Einar spiluðu hinsvegar glimrandi vörn á köflum og voru mjög duglegir. Teitur áttu ágætis spretti, Hjálmar var duglegur en Hlynur hefur átt betri daga.

Stigaskor: Alexander 28, Kristján 25, Teitur 6, Einar 2. - Teddi, Hjálmar og Hlynur 0 stig.

www.ibv.is/karfa

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is