Margrét Lára og Hemmi á lista tíu efstu í kjöri á Íþróttamanni ársins 2008

23.Desember'08 | 08:09
Í morgun var tilkynnt hvaða tíu íþróttamenn hefði hlotið flest stig í kjöri til Íþróttamanns ársins fyrir árið 2008 en það eru Samtök íþróttafréttamanna sem standa að kjörinu.

Eyjamenn eiga tvo fulltrúa á topp tíu listanum í ár en Margrét Lára Viðarsdóttir og Hermann Hreiðarsson eru þar tilnefnd.

Margrét Lára var kjörin Íþróttamaður ársins 2007 og hefur árið 2008 ekki verið síðra hjá henni en Margrét var m.a. markahæst á Íslandsmótinu í knattspyrnu, Íslandsmeistari með Val og átt ríkan þátt í því að tryggja Íslenska landsliðinu í kvennaknattspyrnu sæti á EM í Finnlandi á næsta ári.

Hermann Hreiðarsson varð um mitt ár bikarmeistari með liði sínu Portsmouth og spilaði Hemmi frábærlega á síðasta tímabili bæði með liði sínu í Englandi og með landsliði Íslands.

Tilkynnt verður um kjörið 2.janúar næstkomandi.

Nöfn þeirra tíu sem tilnefndir eru til Íþróttamanns ársins 2008 eru í stafrófsröð þessi:
Alexander Petersson, handknattleiksmaður hjá Flensburg í Þýskalandi.

Eiður Smári Guðjohnsen, knattspyrnumaður hjá Barcelona á Spáni

Guðjón Valur Sigurðsson, handknattleiksmaður hjá Rhein-Neckar Löwen í Þýskalandi

Hermann Hreiðarsson, knattspyrnumaður hjá Portsmouth á Englandi

Jón Arnór Stefánsson, körfuknattleiksmaður hjá KR

Katrín Jónsdóttir, knattspyrnukona hjá Val

Margrét Lára Viðarsdóttir, knattspyrnukona hjá Val

Ólafur Stefánsson, handknattleiksmaður hjá Ciudad Real á Spáni

Snorri Steinn Guðjónsson, handknattleiksmaður hjá GOG í Danmörku

Þormóður Jónsson, júdómaður úr JR.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.