ÍBV sigraði í Grindavík

7.Desember'08 | 12:31

Körfubolti

Góður sigur í dag á móti öflugu liði ÍG 90-96 en leikurinn var í Grindavík. Var þetta í fyrsta skipti sem ÍBV spilar í Grindavík og ekki slæmt að byrja á sigri! Staðan í hálfleik var 43-54 fyrir okkur en mestur var munurinn 69-84 fyrir ÍBV, þegar 6 mínútur voru eftir af leiknum og í raun áttum við að vinna leikinn með 10-15 stigum. Spiluðu aðeins 7 leikmenn í dag en í liðið vantaði t.d. Sigurjón, Óla, Adda og Jónatan og Bennó lét ekki sjá sig.
Bjössi var heitur í dag með 33 stig, þar af 6 þrista og fullt af stoðsendingum. Var Bjössi kominn með 30 stig eftir þrjá leikhluta en þreyta var farin að segja til sín í lokaleikhlutanum. Baldvin var mjög öflugur en hann skoraði 23 stig og tók fullt af fráköstum. Var þetta eflaust besti leikur Baldvins í vetur og var gaman að sjá til "forsetans" í dag. Binni var mjög duglegur í fráköstunum og barðist vel en kappinn var óheppinn með stuttu skotin. Kristján var góður og kom Stjáni gríðarlega sterkur upp í lokin þegar þurfti á að halda og setti mikilvægar körfur. Steini var þokkalegur en samt hefur kallinn spilað mun betur og eigum við hann inni. Daði Guðjóns kom inn í liðið í dag og átti fína spretti. Var þetta fyrsti leikur Daða undir merkjum ÍBV en hann spilaði eitthvað með þegar við hétum ÍV. Alexander stóð einnig fyrir sínu og skoraði að auki laglega körfu.

Bjössi 33 stig

Baldvin 23 stig

Kristján T. 12 stig

Binni 12 stig

Steini 9 stig

Daði G. 5 stig

Alexander Jarl 2 stig

www.ibv.is/karfa

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.