Margrét Lára vonast til að semja við Linköpings

11.Nóvember'08 | 18:18

Margrét Lára

"Þetta var bara framar öllum vonum," sagði landsliðskonan Margrét Lára Viðarsdóttir sem var að koma heim eftir að hafa skoðað aðstæður hjá sænska liðinu Linköpings.

"Mér líst mjög vel á aðstæður, stjórnina og leikmenn svo þetta lítur bara mjög vel út. Ég myndi segja að væru meiri líkur en minni á að ég semji við þetta félag. Ég get ekkert lofað því af því það það á eftir að ganga frá mörgum hlutum, en þetta kemur mjög sterklega til greina," sagði Margrét Lára í samtali við Vísi í dag.

Hún segist reikna með því að hennar mál komist á hreint í þessari viku eða næstu og ætlar að liggja undir feldi þangað til.

"Ég tel mjög miklar líkur á því að ég reyni að semja við þetta félag og vona að við getum gengið frá því sem fyrst," sagði hún.

Margrét Lára er staðráðin í að komast að hjá sterku liði og komast í toppform, enda er hún farin að hlakka til Evrópumóts landsliða á næsta ári.


"Það eru meiri líkur á því að maður spili vel þegar maður er í góðum aðstæðum og þær virðast mjög góðar hjá þessu liði. Þarna er gríðarleg samkeppni um stöður og það er mikilvægt fyrir mig. Ég vil vera í toppstandi og besta mögulega leikformi fyrir EM landsliða," sagði Margrét að lokum.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%