Eyjamönnum nóg boðið

7.Nóvember'08 | 14:31

Vestmannaeyjar Vestmannaeyjabær

Vestmannaeyjabær lætur kanna kosti þess að segja skilið við Eignarhaldsfélagið Fasteign hf. og leysa til sín þær eignir sem bæjarfélagið hefur lagt inn í félagið.

EFF hf. byggist á samstafi sveitarfélaga við einkaaðila um samfélagsleg verkefni og hefur Vestmannaeyjabær lagt fjölda fasteigna inn í félagið og leigir þær síðan aftur. Þar á meðal eru tveir grunnskólar, tveir leikskólar og íþróttahús. Á móti eignast bæjarfélagið hlut í Fasteign.

Elliði Vignisson, bæjarstjóri í Vestmannaeyjum , segir að leigan hafi hækkað um allt að 60 prósent á skömmum tíma. Vestmannaeyjabær greiði EFF hf. 14 til 15 milljónir króna á mánuði í leigu eða sem svarar um 175 milljónum króna á ári í stað liðlega 100 milljóna króna fyrir gengishrun krónunnar.

Hækkun leigunnar má fyrst og fremst rekja til þess að leigugjaldið er að 55 prósentum bundið erlendum gjaldmiðlum.
Svipuð staða er uppi í Reykjanesbæ, sem hefur þó engin áform um að ganga út úr EFF. Ólafur Thordersen, bæjarfulltrúi minnihlutans, segir að leigugjöld til EFF hafi hækkað á skömmum tíma um 200 milljónir króna vegna gengishruns krónunnar. Heildargreiðslur Reykjanesbæjar til EFF árið 2007 námu 600 milljónum króna. Samkvæmt upplýsingum skrifstofu Reykjanesbæjar eru leigugjöld áætluð um 800 milljónir króna á því næsta. Áætluð hækkun er því 35 prósent á næsta ári að teknu tilliti til þess að við bætist nýr leikskóli og búningsaðstaða við knattspyrnuvöll.

Nánar um málið í helgarblaði DV.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.