Lúxusþyrla Magnúsar til sölu

4.Nóvember'08 | 12:55

Þyrla

Bell lúxusþyrla Magnúsar Kristinssonar, eiganda Toyotabílaumboðsins og útgerðarmanns í Vestmannaeyjum, er til sölu. Magnús hefur m.a. notað þyrluna vegna tíðra ferða milli lands og Eyja. Þyrlan er til afhendingar strax, að því er fram kemur í sölulýsingu.

Vélin er auglýst hjá Helicopter Exchange. Þar kemur fram að framleiðsluár hennar er 1998 en hún var afhent ný árið 1999. Eigendur frá upphafi eru tveir.

Að frátaldri tæknilýsingu vélarinnar kemur fram að hún er græn að lit með gylltum og rauðum röndum. Af lýsingu og myndum að dæma er innrétting þyrlunnar afar glæsileg. Hún er búin ljósdrapplitum leðursætum og litur gólfteppis er í stíl við sætin. Milli farþegarýmis og stjórnklefa er rafknúin "límósínurúða" og gler vélarinnar er skyggt. Veitingageymsla er að sjálfsögðu um borð sem og hljómtæki með snertitakkabúnaði auk tveggja síma. Innréttingin er öll viðarskreytt með
rósaviði. Handföng eru gulli slegin.

Ekkert er tekið fram um söluverð þyrlunnar.

Heimild: www.t24.is

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.