Róbert Marshall áreittur á Heathrow

1.Nóvember'08 | 08:58

Róbert Marshall

„Þetta var heldur óskemmtileg uppákoma og ég varð eiginlega hvumsa. Enda nýbúinn að reyna að blása á þær sögur að Íslendingar yrðu fyrir aðkasti erlendis," segir Róbert Marshall, aðstoðarmaður samgöngumálaráðherra.
Hann og kona hans, Brynhildur Ólafsdóttir, voru að leggja af stað heim til Íslands núna í vikunni frá Heathrow-flugvellinum í London þegar þau afhentu landamæraverði vegabréf sín. Þegar landamæravörðurinn sá frá hvaða landi þau komu breyttist tónninn hjá honum heldur betur. „Hann spurði hvort við ynnum fyrir íslenska banka.

Þegar við þögðum sagði hann að ef svo væri myndum við sennilega ekki segja frá því," útskýrir Róbert. Landamæravörðurinn lét síðan dæluna ganga áfram.

„Hann sagði að ef við værum að vinna í banka skyldum við skila honum aftur peningunum sem við skulduðum honum."

Róbert segist vera eldri en tvævetur í þessum málum og hann hafi ekki kippt sér upp við þessar aðfinnslur frá landamæraverðinum.

„Ég hef verið í pólitík og fjölmiðlum þar sem svona lagað er nánast daglegt brauð. En ég óska þess ekki að samlandar mínir fái svona móttökur," segir Róbert sem lét það vera sitt fyrsta verk að fara inn á heimasíðu Heathrow-flugvallarins.

Þar fann hann síðan vettvang til að koma kvörtun sinni á framfæri. „Ég skrifaði langt og ítarlegt bréf." Róbert hvetur jafnframt aðra Íslendinga til að láta svona ekki yfir sig ganga heldur eigi þeir að rétta úr sér og byrsta sig til baka. „Þetta er auðvitað bara fráleit hegðun.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.