Hermann hugsar sér til hreyfings frá Portsmouth

28.Október'08 | 06:24
 Hermann og félagar hans í liðinu fengu skýr tilmæli frá forráðamönnum Portsmouth í gær um að tjá sig ekki um brotthvarf knattspyrnustjórans Redknapps frá félaginu en sem kunnugt er hætti Redknapp skyndilega hjá Portsmouth um helgina og tók við stjórastöðunni hjá Tottenham.

Redknapp fékk Hermann til liðs við sig frá Charlton fyrir síðustu leiktíð og í samtali sem undirritaður átti við Hermann eftir að hann skrifaði undir samninginn við Portsmouth sagði Eyjamaðurinn að aðalástæðan fyrir því að hann hefði tekið tilboði Portsmouth hefði verið sú að Redknapp væri við stjórnvölinn.

Hermann, sem varð bikarmeistari með Portsmouth síðastliðið vor og lék stórt hlutverk með suðurstrandarliðinu, hefur mátt þola mikla bekkjarsetu á þessari leiktíð og það í fyrsta sinn á ferli sínum. Spurður út þá staðreynd sagði Eyjamaðurinn:

,,Ég mun ræða mín mál við þann nýja stjóra sem tekur við og ég veit svo sem ekkert hver það verður. Það getur alveg eins verið að Tony Adams og Joe Jordan verði við stjórnvölinn en ég veit jafnmikið og þú. Ef ég held áfram að vera á bekknum þá er ekki spurning að ég mun reyna að komast í burtu í janúarglugganum," sagði Hermann.

,,Það er hundleiðinlegt að sitja á bekknum leik eftir leik. Ég hef aldrei kynnst þessu áður og ég veit hreinlega ekki hvernig ég á að haga mér."

Bara brot af því sem aðrir þurfa að glíma við þessa dagana
Spurður hvort hann sé tilbúinn að spila í ensku 1. deildinni sagði Hermann:

,,Ég vil auðvitað helst vera áfram í úrvalsdeildinni. Ég er í fínu líkamlegu ástandi og tel mig nógu góðan til að spila í þeirri deild. Þrátt fyrir að hafa verið mikið á bekknum þá er ég í góðu leikformi enda búinn að spila nokkra leiki með landsliðinu og hef komið við sögu í einum og einum leik með Portsmouth. Það er nú samt miklu alvarlegra sem á sér stað í heiminum um þessar mundir en að missa af nokkrum fótboltaleikjum. Þetta er bara brot af því sem aðrir þurfa að glíma við þessa dagana," sagði Hermann.

Gleðst yfir gengi Liverpool
Portsmouth sækir topplið Liverpool heim á Anfield annað kvöld í úrvalsdeildinni og segist Hermann ekki vita neitt um hvort hann verður með í þeim leik eða ekki. ,,Það kemur bara í ljós á æfingunni á morgun en þetta verður strembinn leikur enda Liverpool í fantaformi. Ég gleðst yfir því að Liverpool gangi svona vel. Það er gott fyrir deildina enda ekki hægt að láta Manchester United og Chelsea einoka deildina ár eftir ár."

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%