Ég get haft áhrif á lífsgæði og launin mín!

19.Október'08 | 17:59

Vestmannaeyjar Vestmannaeyjabær

SFR, Stavey og Impra á Nýsköpunarmiðstöð Íslands bjóða upp á námskeið í samningatækni fyrir konur í Vestmannaeyjum á laugardaginn 25.október næst komandi.  Námskeið þetta er sérstaklega ætlað félagsmönnum SFR og Stavey í Vestmannaeyjum.

Góður rómur hefur verið gerður að námskeiðunum sem hafa verið víða á landinu og hafa  færri komist að en vildu.  Markmið námskeiðsins er að kynna konum grunnhugmyndir samningatækninnar og þjálfa þær í að nota samningatæknina í samskiptum sínum og samningum á vinnustað, heima og í lífinu almennt, sér og vinnustöðum sínum eða atvinnurekendum til hagsbóta. Hátt í 200 konur, þar af 60 SFR félagar, hafa lokið þessu námskeiði Impru á Nýsköpunarmiðstöð. Sífellt algengara er á vinnustöðum að starfsmönnum er boðið upp á launaviðtal og eða starfsmannasamtal en mikilvægt er að undirbúa sig vel fyrir slík viðtöl. Einn liður í slíkum undirbúningi getur verið að þjálfa samningatækni.

Unnur Sigmarsdóttir formaður Stavey segist telja þetta námskeið vera gott tækifæri fyrir sína félagsmenn og hvetur konur til þess að nýta sér þetta tækifæri sem nú býðst.

Frosti Gíslason verkefnisstjóri hjá Nýsköpunarmiðstöð Íslands segir í samtali við Eyjar.net að nú sé klárlega rétti tíminn til þess að sækja svona námskeið enda styrki það starfsmenn í því sem þeir eru að gera og jafnvel enn betur en áður.  Við höfum fengið til liðs við okkur mjög góðan leiðbeinanda Sif Sigfúsdóttur sem er markaðsstjóri viðskipta- og hagfræðideildar Háskóla Íslands og hefur verið gerður mjög góður rómur að námskeiðum hennar víða um land.
Verkefnastjórarnir Brynja Sigurðardóttir frá Impru á Nýsköpunarmiðstöð Íslands og Jóhanna Þórdórsdóttir frá SFR - stéttarfélagi í almannaþjónustu hafa haf veg og vanda að undirbúningi námskeiðsins og tengiliðir í Vestmannaeyjum eru Frosti Gíslason hjá Nýsköpunarmiðstöð Íslands og Unnur Sigmarsdóttir í Stavey.

Námskeiðið er sérstaklega ætlað félagsmönnum SFR og Stavey og er frítt fyrir þá.  Skráning er á vef SFR http://www.sfr.is/fraedsla/namskeid/nr/63/

Námskeiðið verður haldið laugardaginn 25.október frá kl:10:00-16:30 í húsnæði Visku að Strandvegi 50.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%