Nú þegar kreppir að á Íslandi munum við hjá Vestmannaeyjabæ slá skjaldborg um íbúa

16.Október'08 | 10:08
Í gær sendi bæjarráð Vestmannaeyja frá sér metnaðarfulla aðgerðaráætlun vegna stöðu efnahagsmála í landinu.
Vestmannaeyjabær stendur vel og grunnur að því er sala á hlutabréfum Hitaveitu Suðurnesja á síðasta ári en þeir fjármunir eru undirstaðan í góðri stöðu sveitafélagsins. Vestmannaeyjabær hefur t.d. greitt niður erlendar skuldir sínar og við núverandi ástand má segja að þar hafi sveitafélagið sparað sér tugi milljóna.

Eyjar.net hafði samband við Elliða Vignisson, bæjarstjóra og spurðum við hann út í aðgerðaráætlun Vestmannaeyjabæjar.

"Hugmyndin að baki aðgerðaráætlunarinnar er að milda áhrif áfallsins í efnahagsmálum hér í Eyjum.  Við teljum okkur hafa svigrúm til að ráðast í þessar aðgerðir þar sem mikils aðhalds hefur verið gætt í rekstri á seinustu tveimur árum.  Við höfum náð mikilli hagræðingu í rekstri og stefna okkar er sú að skila alltaf hagræðingu til baka til bæjarbúa.  Nú þegar kreppir að á Íslandi munum við hjá Vestmannaeyjabæ slá skjaldborg um íbúa hvað velferðakerfið varðar og mæta þyngri rekstri heimila með lækkunum á gjaldskrám.  "

"Þá teljum við einnig afar mikilvægt að auka framboð á fræðslu og hverskonar uppbyggjandi efni.  Von okkar og trú er að bæjarbúar og fyrirtæki leggist á árarnar með okkur í þeirri viðleitni að standa vörð um grunn gildi okkar jafnvel þótt eitthvað harðni á dalnum tímabundið.  Eins og aðgerðaráætlun okkar sýnir þá ætlum við hjá Vestmannaeyjabæ okkur áfram að vera fremst meðal jafningja hvað varðar umhverfi barna og fjölskylda þeirra." segir Elliði

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).