Hildur Sævaldsdóttur er sigurvegari dagsins

9.Október'08 | 11:55
Í kvöld fara tónleikar Mezzoforte fram í Höllinni. Eyjar.net hefur staðið fyrir léttum og leikandi leik undanfarna daga þar sem lesendum gefst kostur á að vinna sér inn miða á tónleikum ásamt árituðum geisladiski með Mezzoforte.

Í gær var spurt hvað Þjóðverjarnir í hljómsveitinni heita. En það eru þeir Bruno Mueller sem spilar á gítar og Sebastian Studnitzky sem leikur á trompet og hljómborð. Hildur Sævaldsdóttir, Hásteinsvegi 29, var með svarið á reiðum höndum og fær að launum miða á tónleikana og geisladisk. Hildur getur sótt vinninginn sinn í Sparisjóð Vestmannaeyja.

Enn á eftir að gefa einn miða á tónleikana og geisladisk og verður hægt að senda inn svör til kl. 16:00 í dag. Eina sem lesendur þurfa að gera er að svara spurningunni og senda svarið á netfangið mezzoforte@heimaey.is ásamt fullu nafni og heimilsfangi.
Vinninganna verður síðan hægt að vitja í Höllinni í kvöld.

Spurning dagsins:
Hvað hefur Mezzoforte gefið út margar plötur?
- - - - - - - - - - - - - - - - - - - - - - - - - - - - - - - - -
Tónleikar Mezzoforte fara fram í Höllinni fimmtudaginn 9. október n.k. Húsið opnar klukkan 20 og hefjast tónleikar klukkan 21. Miðaverð er 2500 krónur.
 
Forsala er í fullum gangi í Sparisjóði Vestmannaeyja og er hægt að tryggja sér miða þar á 2000 krónur.
Vegna mikils áhuga hefur Flugfélag Íslands ákveðið að bjóða upp á pakkaferðir á tónleika Mezzoforte í Eyjum. Flug fram og tilbaka og miði á tónleikana kostar aðeins 9.900 krónur.

Einungis er hægt að bóka pakkaferðir hjá hópadeild Flugfélags Íslands og er hægt að fljúga til og frá Eyjum dagana 8. - 10. október. Til að bóka ferð er hægt að senda tölvupóst á netfangið hopadeild@flugfelag.is eða hringja í síma 570-3075.

Allar nánari upplýsingar um tónleikana er að finna á vefsíðunni www.heimaey.is/mezzoforte
Flugfélag Íslands og GuðjónÓ eru bakhjarlar tónleikanna.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is