Geir Reynisson með söguna á hreinu - leikurinn heldur áfram

8.Október'08 | 12:59

mezzoforte

Á morgun fara tónleikar Mezzoforte fram í Höllinni. Eyjar.net hefur staðið fyrir léttum og leikandi leik þar sem lesendum gefst kostur á að vinna sér inn miða á tónleikum ásamt árituðum geisladiski með Mezzoforte.

Í gær var spurt hvenær eitt frægasta lag Mezzoforte, Garden Party, hafi komið út. Spurning er nokkuð snúin, því lagið kom fyrst út á Íslandi undir lok ársins 1982 á plötunni Mezzoforte 4, en árið 1983 sló lagið í gegn í Bretlandi á plötunni Surprise, Surprise.

Tónlistarmaðurinn Geir Reynisson, Bröttugötu 13, er með sögu Mezzoforte á hreinu og hlítur að launum miða á tónleikana ásamt árituðum geisladiski.

 Leikurinn heldur áfram og fer þannig fram að á hverjum virkum degi klukkan 12:00 verður birt spurning sem tengist Mezzoforte. Eina sem lesendur þurfa að gera er að svara spurningunni og senda svarið á netfangið mezzoforte@heimaey.is ásamt fullu nafni og heimilsfangi.

Dregið verður úr réttum svörum fyrir miðnætti á hverjum degi og nafn vinningshafa birt að morgni daginn eftir á Eyjar.net, um leið verður ný spurning birt á vefnum.
Vinninganna verður síðan hægt að vitja í Sparisjóði Vestmannaeyja.

Spurning dagsins:
Hvað heita Þjóðverjarnir tveir sem leika með Mezzoforte í dag?
- - - - - - - - - - - - - - - - - - - - - - - - - - - - - - - - -
Tónleikar Mezzoforte fara fram í Höllinni fimmtudaginn 9. október n.k. Húsið opnar klukkan 20 og hefjast tónleikar klukkan 21. Miðaverð er 2500 krónur.
 
Forsala er í fullum gangi í Sparisjóði Vestmannaeyja og er hægt að tryggja sér miða þar á 2000 krónur.
Vegna mikils áhuga hefur Flugfélag Íslands ákveðið að bjóða upp á pakkaferðir á tónleika Mezzoforte í Eyjum. Flug fram og tilbaka og miði á tónleikana kostar aðeins 9.900 krónur.

Einungis er hægt að bóka pakkaferðir hjá hópadeild Flugfélags Íslands og er hægt að fljúga til og frá Eyjum dagana 8. - 10. október. Til að bóka ferð er hægt að senda tölvupóst á netfangið hopadeild@flugfelag.is eða hringja í síma 570-3075.

Allar nánari upplýsingar um tónleikana er að finna á vefsíðunni www.heimaey.is/mezzoforte
Flugfélag Íslands og GuðjónÓ eru bakhjarlar tónleikanna.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.