Fjárfestingasjóður Vestmannaeyjabæjar hefur ekki orðið fyrir tjóni

8.Október'08 | 15:06
Væringar seinustu daga hafa ekki farið framhjá nokkrum Íslendingi.  Eðlilega eru einstaklingar og fyrirtæki uggandi yfir sínum hag og spurningar um stöðu bæjarfélagsins í umrótinu vakna eðlilega hjá bæjarbúum.
Vestmannaeyjabær er velrekið og sterkt sveitarfélag enda tekjur þess fyrst og fremst fengnar í gegnum öflugan sjávarútveg. Það ásamt eignasölu hefur búið til sterkan fjárfestingasjóð hjá bæjarfélaginu. Embættismenn hafa, í samvinnu við pólitískafulltrúa, verið vakin og sofin í fjárstýringunni og þannig tekist að sigla milli skers og báru í umróti seinustu daga. Vissulega hefur stundum mátt litlu muna eins og þegar Vestmannaeyjabær fór út úr hlutabréfasjóðum og innleysti peningamarkaðsbréf. Hvoru tveggja væri í miklu uppnámi í dag. Þessi árvekni í bland við hreina lukku hefur tryggt að hingað til hefur fjárfestingasjóður Vestmannaeyjabæjar ekki orðið fyrir tjóni. Allir sjóðir Vestmannaeyjabæjar eru í dag varðir af Tryggingasjóði innistæðueigenda rétt eins og almenn innlán sparifjáreigenda. Vestmannaeyjabær mun áfram leita allra leiða til að gæta hagsmuna bæjarfélagsins í heild í viðsjárverðu umhverfi.

Þótt yfirstandandi erfiðleikar nái til Vestmannaeyja eins og annara bæjarfélaga þá skulum við vera minnug þess að sagan hefur kennt okkur að þegar harðnar á dalnum í borgarumhverfinu vænkast gjarnan hagur landsbyggðarinnar. Vestmannaeyjar tóku lítin þátt í þenslu seinustu ára og því er samdrátturinn minni. Traustar undirstöður í sjávarútvegi, rekstrarlega sterkur bæjarsjóður og ómældur mannauður gefa Eyjamönnum ástæðu til að vera bjartsýn á framtíðina í Vestmannaeyjum. Við Eyjamenn þekkjum mikilvægi samstöðu og einingar á erfiðum tímum. Með slík vopn í hendi þarf ekki að óttast snarpa baráttu.

Elliði Vignisson
bæjarstjóri

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.