Er Margrét Lára á leiðinni til Hollywood?

Margrét Lára hefur síðustu ár leikið með Valsstúlkum og hefur liðið náð frábærum árangri, Margrét er einnig í landsliði Íslands í knattspyrnu og hefur Margrét spilað frábærlega fyrir land og þjóð og þeim vettvangi.

Nú er svo komið að lið Hollywood borgarinnar Los Angeles hefur fengið réttinn til að reyna að ná samningum við Margréti Láru um að leika með liðinu þar ytra. Fyrirkomulagið í Bandaríkjunum er þannig að deildin er skipuð sjö liðum og má hvert lið semja við fjóra erlenda leikmenn.
Nýverið var 28 bestu leikmönnum heims í knattspyrnu raðað niður á liðin og upphaflega fékk St. Louis rétt til að semja við Margréti Láru. St. Louis skipti síðan við Los Angeles liðið á samningsrétti Margrétar Láru og sænska leikmannsins Lottu Schelin.

Nú verður spennandi að sjá hvort að Margrét Lára verði leikmaður liðs í kvikmyndaborginni Hollywood á komandi tímabili.