Er munur á stuðningsmönnum ÍBV og Dinamo Kiev í Úkraínu?

23.September'08 | 07:32

dinamo

Mikil gleði  hefur ríkt síðustu daga hjá stuðningsmönnum ÍBV eftir að sæti í Landsbankadeildinni var tryggt og ljóst að liðið væri að leika á næsta ári meðal þeirra bestu á ný.

Þegar ljóst varð að ÍBV væri að fara upp um deild þá fóru af stað umræður varðandi yfirbyggð sæti á Hásteinsvelli en ein af kröfum UEFA og KSÍ er að áhorfendur geti horft á leiki með þak yfir höfuðið.

Áætlaður kostnaður við byggingu á einhverskonar skyggni yfir þau sæti sem eru á Hásteinsvelli hleypur á 70-80 milljónum og er það dágóður peningur fyrir sveitafélag eins og Vestmannaeyjabæ.
Vestmannaeyjabær hefur nýverið samþykkt að byggja knattspyrnuhús fyrir um 300 milljónir.

ÍBV samþykkti fyrir sex árum að skrifa undir leyfiskerfi KSÍ sem byggt er á kröfum UEFA og miðar að því að hjálpa félögum að uppfylla þær kröfur sem þarf fyrir þátttöku í tveimur efstu deildum Íslandsmóts karla.

ÍBV getur sótt um frest til ársins 2010 til að uppfylla þær kröfu sem Leyfiskerfi KSÍ inniheldur og þá þarf að vera búið að byggja yfir helming sæta við Hásteinsvöll.

Nýverið var leikur í Úkraínu í riðlakeppni Meistaradeildar Evrópu á milli Dinamo Kiev og stórliðsins Arsenal. Leikurinn fór fram á Dynamo Stadium í Úkraínu. Sá leikvangur er ekki með neina yfirbyggingu fyrir áhorfendur því þurft að sitja og horfa á fótbolta án þess að hafa nokkur skjól yfir höfði sér. Þarna hefur Dinamo Kiev fengið undanþágu til að leika á þessum velli þar sem aðalvöllur liðsins er í endurbyggingu fyrri EM 2012.

Ef að handbók Leyfikerfis KSÍ er skoðuð þá má sjá að ÍBV á nokkuð langt í land með að uppfylla nokkra þætti krafnanna og því klárt að taka þarf til hendinni fyrir árið 2010. Eðlilega vilja UEFA og KSÍ setja markið hátt og koma upp góðri aðstöðu fyrir leikmenn og áhorfendur fótboltans um alla Evrópu en eru kröfurnar raunhæfar fyrir lið eins og ÍBV?

Hér má lesa brot úr mannvirkja kafla handbókarinnar:

Leikvangur - yfirbyggð sæti
A.m.k. helmingur sæta á leikvangi skal vera yfirbyggður, innifalið í því skal
alltaf vera fjölmiðlastúka og heiðursstúka.
Bráðabirgðaákvæði (sbr. M.07):
Aðlögun að þessari reglu var fram að upphafi keppnistímabils 2007. Lengri
aðlögun verður aðeins veitt við mjög sérstakar aðstæður og aldrei lengur en
til upphafs keppnistímabilsins 2010 og rökstuddri umsókn skulu fylgja
framkvæmdatillögur um úrbætur, staðfestar af viðeigandi félagi og
sveitarfélagi.

Leikvangur áhorfendasvæði
Sérhverri stúku innan leikvangs verður að vera hægt að skipta í hólf ef slíkt
er talið nauðsynlegt vegna öryggissjónarmiða að mati KSÍ. Þetta skal t.d.
gert með því að setja upp skilrúm sem ekki er hægt að klifra yfir, með
löggæslu, eða með öðrum leiðum sem staðarlöggæsluyfirvöld samþykkja.

Leikvangur hreinlætisaðstaða
Hver leikvangur verður að hafa fullnægjandi salernisaðstöðu fyrir bæði kynin,
og eigi fjær stúku en 120 m. Þar verða að vera vaskar með a.m.k. köldu
vatni og þurrkur og/eða þerriblásarar. Salerni verða að vera björt, hrein og
sótthreinsuð og koma þarf á vinnuferli sem tryggir slíkt í hverjum leik.
KSÍ (Reglur fyrir knattspyrnuvelli á Íslandi) gerir kröfur um að fyrir hverja
byrjaða 200 áhorfendur í skipulagðri og samþykktri áhorfendaaðstöðu séu
a.m.k. eitt vatnssalerni og ein þvagskál. Stærð, frágangur, staðsetning og
fjöldi snyrtinga er háð samþykki viðkomandi heilbrigðisfulltrúa.

Leikvangur varamannaskýli
Varamannaskýli fyrir hvort lið skulu rúma a.m.k. 14 manns með 50 cm
bekkplássi á mann (varamenn og starfsmenn liðs) í efstu deild, en a.m.k. 10
manns í 1. deild.
Þau skulu aldrei vera nær hvort öðru en 5 m, en þar sem því verður við
komið skal miða við að þau séu ekki nær hvort öðru en 10 m og að þau séu
a.m.k. 5 m frá miðlínu (ávallt skal miða við slíkt við nýbyggingu og
breytingar). Þau skulu jafnframt staðsett innan öryggissvæðis leikvallar, þó
ekki nær honum en 4 m.
Tryggt skal með girðingu, gæslu eða á annan hátt að varamenn og
liðsstjórn verði ekki fyrir ónæði eða aðkasti áhorfenda.

Leikvangur aðstaða fjölmiðla og blaðamanna
Viðunandi aðstaða þarf að vera fyrir fjölmiðlafólk (fréttamannastúka og
herbergi fyrir fréttamannafundi). Nota skal eftirfarandi viðmiðanir:
-Fréttamannastúka skal vera með minnst 10 sætum.
-Sæti skulu vera með borðum sem rúma a.m.k. fartölvu, minnisblokk og
síma.
-Herbergi fyrir fréttamannafundi skal hafa minnst 12 sæti fyrir fréttamenn.
Ef þessi forsenda er ekki uppfyllt skulu viðurlög vera skv. grein 2.3.3.5.
Sjá sérstaklega M.28, en einnig M.29, M.30, M.31, og M.54 sem tengjast

Leikvangi - aðstöðu fjölmiðla .
Aðstaða fjölmiðla á leikvangi staðsetning fréttamannastúku
Fréttamannastúka skal vera til staðar og helst í miðri aðalstúku. Staðsetning
skal vera sem best og aðeins heiðursstúka skal vera betur staðsett. Þar skal
sjá fyrir góðri lýsingu og nauðsynlegum tengingum og gjarnan hita.
Auðvelt aðgengi skal vera til og frá annarri aðstöðu fjölmiðlamanna, s.s. að
herbergi fyrir fundi með fréttamönnum.
Sjá einnig forsendu M.27 sem tengist aðstöðu á leikvangi.
Ef þessi forsenda er ekki uppfyllt skulu viðurlög vera skv. grein 2.3.3.5.

-heimild www.ksi.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.