Margrét Lára sýnir trixin í takkaskónum

19.September'08 | 05:59
„Ég veit ekki hvort ég fer á kostum en vonandi virkar þetta," segir Margrét Lára Viðarsdóttir, knattspyrnukona og íþróttamaður ársins.

Verið er að leggja lokahönd á DVD-disk þar sem Margrét Lára, í samvinnu við þjálfara sinn hjá Val, Elísabetu Gunnars­dóttur, kennir strákum og stelpum hvernig þau geta orðið enn betri í fótbolta. Einnig kemur við sögu Guðjón Baldvinsson, markahrókur úr KR, sem og ungir og efnilegir fótboltamenn af báðum kynjum.

Diskurinn ber heitið Trixin í takkaskónum.

„Já, þetta á ekki síður að höfða til stráka en stelpna. Ekki veitir af því að efla karlaknattspyrnuna í landinu líka," segir Margrét Lára í léttum dúr. Á disknum er farið yfir helstu grunnatriðin í sambandi við skot, tækni, móttöku boltans og svo framvegis. „Við tókum þetta upp í ágúst. Rétt eftir verslunarmannahelgina. Þetta var heilmikið púl. Maður varð að vera á hreyfingu stanslaust í tvo daga," segir Margrét Lára. Hún og Elísabet sáu um handrit og uppsetningu disksins. Margrét Lára er spennt að sjá hverjar viðtökurnar verða því hún sér alveg fyrir sér framhald.

„Í fyrra var ég með fyrirlestra um allt land og þetta er eðlilegt framhald af þeirri vinnu. Íþróttir eru í raun besta forvörn sem hugsast getur. Og ég legg mikið upp úr því að hjálpa öðrum til að ná árangri og efla krakka og unglinga. Þessi diskur er svolítið sóknarþenkjandi ef svo má að orði komast. Og það er aldrei að vita nema við eigum eftir að gefa út varnardisk og markmannsdisk. En við eigum eftir að fá einkunnina," segir Margrét Lára og vísar þá til þess hvort diskurinn muni seljast eða ekki.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.