Jæja hvað er að frétta?...Jú það er RÆS!!

19.September'08 | 06:01

Álsey

Er furða að fólk spyrji þegar skyndilega er þögn.

En af okkur eru þær fréttir að það var komið í land um síðustu helgi og landað var á Þorshöfn sennileg um 1.000 tonn, sem var afrakstur okkar og Þorsteins með því sem við komum með að norðan eftir samvinnu við Guðmund VE 29. En fljótlega með spottanum þá fór stór hluti áhafnar í frí en á eftir kom svo rest áhafna daginn eftir, þar sem það var ákveðið að stoppa í einhverja daga sökum ástands á miðunum. Því höfum við verið í landi frá því og látið þá Þorsteinn og Júpíter um að skrölta og finna eitthvað bitastætt. Og virðist sem að eitthvað hafi verið að koma útúr því nú síðustu daga. Þar sem þeir fengu fín tvö höl grunnt í Héraðsflóanum. Lögðu þeir af stað í land með aflann sem á að fara til vinnslu. Því er ræs hjá okkur núna og í þessum töluðum orðum þá er áhöfnin á ferðalagi með Herjólfi, taka flugið á Egilsstaði og þá keyrsla á Þórshöfn um tveir tímar. Er því áætluð brottför Álseyjar í kvöld.

Þetta óvænta stopp gerir það að margir í áhöfn erum búnir með frí og mæta því aftur um borð, með undantekningum þó þar sem ég ætla mér að vera áfram í fríi og skíra nýfæddan son minn og eiga tíma með fjölskyldunni. Því mun hann Villý á Drangavíkinni taka við af mér og er drengirnir því í góðum höndum. En missa sennilega af því að fá PERSÓNULEGU eggjakökuna hans Sigga Sig sem ætlaði að leysa mig af, en er hann innilokaður á vestfjörðum;-). Boggi er líka í fríi og sennilega er vélstjórabreyting. En ég ætla að draga mig í hlé og læt þetta í hendur á honum Orra um að flytja fréttir frá Álsey, en þar sem það eru örfáir dagar í að þessi síða á 1 árs afmæli, já það er verða eitt ár frá því að ég byrjaði að fikta við að blogga hér og setja inn myndir af því tilefni þá ætla ég að koma með smá upprifjun við þau tímámót. En ég kveð í bili og bið fyrir bestu kveðju um borð og verið duglegir að fiska og koma með í vinnslu, Kristó...

p.s af virðingu við særða Man Utd sálir um borð þá verður ekki minnst á úrslit í Ensku eða meistaradeild.

http://www.123.is/alseyve2

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is