Bæjarráð hvetur starfsmenn og pólitíska fulltrúa til áframhaldandi aðhalds og ráðdeildar í rekstri

10.September'08 | 22:14

Vestmannaeyjar Vestmannaeyjabær

Á fundi bæjarráðs Vestmannaeyja í gær lágu fyrir fjölmörg mál úr hinum ýmsu áttum. Í fundargerð bæjarráðs kemur fram að afgreiddir hafi verið 917 matarskammtar í Grunnskóla Vestmannaeyja í síðustu viku en það er 40% aukning frá því sem verið hefur.

Varðandi starfsmannastefnu Vestmannaeyjabæjar ályktaði bæjarráð eftirfarandi:
Vestmannaeyjabær er einn stærsti atvinnurekandinn í Vestmannaeyjum. Vestmannaeyjabær vill axla þá ábyrgð sem slíkur fylgir og leitast við að hafa í sínum röðum framúrskarandi starfsfólk og efla það í störfum sínum. Til að stuðla að aukinni þjónustu við bæjarbúa verður að byggja upp og viðhalda aðlaðandi vinnustöðum, starfsánægju og góðu starfsumhverfi. Það er viðhorf bæjarráðs að það sé ekki síst starfsfólkið, metnaður þess, kraftur og hollusta sem er lykillinn að farsælum rekstri bæjarfélagsins.

Miðað við orðalag í fundargerð bæjarráðs þá er Vestmannaeyjabær að kaupa allt að 5% hlut stofnfjár í stofnfé Sparisjóðs Vestmannaeyja. Í fundargerð bæjarráðs segir eftirfarandi:
Eins og áður hefur komið fram lítur bæjarráð á það sem skyldu Vestmannaeyjabæjar að gæta hagsmuna samfélagsins í málefnum Sparisjóðs Vestmannaeyja og styður stjórn hans og stofnfjáreigendur í því að einskis verði látið ófreistað við að tryggja sem best framtíðarstöðu Sparisjóðs Vestmannaeyja, viðskiptamanna og starfsfólks sjóðsins og þeirra gríðarlegu hagsmuna sem felast í öflugum samfélagssjóði sem í dag myndar mikinn meirihluta varasjóðs Sparisjóðs Vestmannaeyja. Með ofangreint að leiðarljósi samþykkti bæjarráð að fela bæjarstjóra að falast eftir kaupum á allt að 5% hlut í stofnfé sjóðsins og er fyrirliggjandi samningur liður í því.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.