Hippahátíð haldin í Eyjum

14.Ágúst'08 | 10:53

hippahátíð

 „ÞETTA var komið það langt að við vorum komin með samninga til yfirlestrar og undirritunar," segir Helga Jónsdóttir, einn skipuleggjenda hippahátíðar sem haldin verður í Vestmannaeyjum fyrstu helgina í október, en til stóð að fá skoska tónlistarmanninn Donovan til að koma fram á hátíðinni.

Það gekk þó ekki eftir. „Við vorum meira að segja farin að ganga aðeins lengra en beðið var um, við vorum til dæmis búin að ráða einkakokk fyrir Donovan, enda er hann grænmetisæta. En þá segir umboðsmaðurinn hans að hann sé að gefa út einhvern DVD-disk, og að útgefendur hans hafi krafist þess að hann fylgdi honum eftir. Þannig að hann kemst ekki til landsins," útskýrir Helga, sem segir þó ekki loku fyrir það skotið að kappinn komi til landsins síðar. „Við erum að reyna að bóka tónleika með honum í maí, en höfum engin svör fengið."

En þótt Donovan muni ekki láta sjá sig á hippahátíðinni verður hún engu að síður haldin í Eyjum dagana 3. og 4. október, en þetta verður sjöunda árið í röð sem hátíðin er haldin.

„Þriðja október verða stórtónleikar hippatímans, og þann fjórða verður svo hippahátíðin," segir Helga, en margir góðir tónlistarmenn munu koma fram á stórtónleikunum.

„Þar mun sem sagt brot af Trúbroti koma fram með Hippabandinu, það er að segja Shady Owens og Rúnar Júlíusson, en einnig neistar af Logum, sem eru Hermann Ingi og Helgi og svo Hippabandið ásamt handbremsuhippanum Bjartmari Guðlaugssyni. Svo verðum við líka með vel geymt leyndarmál, þá Davíð og Sigga, sem eru miklir Kinks-aðdáendur og munu flytja lög eftir þá. Síðast en ekki síst má svo nefna Papana sem ætla að koma fram í næstum því upprunalegri mynd," segir Helga sem skipuleggur hátíðina ásamt manni sínum, Arnóri Hermannssyni.

Nánar verður sagt frá hátíðinni þegar nær dregur.

Morgunblaðið greindi frá

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-