Almættið er í liði með Vestmannaeyingum

3.Ágúst'08 | 18:26

Elliði

„Stundum verður maður svolítið hissa á fréttaflutningi af því að einn maður sitji í fangageymslum af 13 þúsund," segir Elliði Vignisson, bæjarstjóri í Vestmannaeyjum. „Fréttin er þá náttúrulega sú að hinir 12.999 voru til fyrirmyndar," bætir hann við.
Elliði segir að það sé feikilega góð stemning í Vestmannaeyjum og hann sé alltaf jafn snortinn á hverju ári yfir því hversu vel takist til við að halda Þjóðhátíð. „Málið er að við kunnum þetta svo vel enda erum við búin að halda tæplega 140 þjóðhátíðir," segir Elliði. Hann segir að stemningin í kringum hátíðina sé einstök og áberandi hversu mikil áherslan er lögð á Þjóðhátíð sem barna- og fjölskylduskemmtun. „Ég er einmitt núna með fjögurra ára gamalli dóttur minni á danspallinum þar sem er barnadansleikur," segir Elliði. Elliði segir að skemmtileg hefð sé fyrir því að Þjóðhátíðarnefnd heiti á Landakirkju með fjárframlögum til kirkjunnar. „Og ég er alveg sannfærður um það að almættið er í liði með okkur þessa helgi eins og allar aðrar," segir Elliði. Elliði segir að í ljósi þess að ófært sé með flugi til Vestmannaeyja séu mótshaldarar farnir að undirbúa viðbrögð ef óbreytt ástand verði á morgun. Þá muni 1500 manns þurfa að breyta ferðaáætlunum sínum. Íþróttahús Vestmannaeyjabæjar muni þá standa þeim opin þeim að endurgjaldslausu.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.