Fórnfúsar hendur...

31.Júlí'08 | 18:35

búkolla belja

....vinna nú nótt sem dag og hafa gert síðustu vikur,við að gera Herjólfsdal tilbúinn fyrir átökin um verslunarmannahelgina.Þetta er stærsta fjáröflun ÍBV og rekstur félagsins stendur og fellur með góðri afkomu á þjóðhátíð.Nokkrir menn hér í bæ bera hitann og þungann af undirbúningi sem má segja að standi allt árið.

Þetta er gífurleg vinna og fáum gæti dottið í hug handtökin og allt annað sem framkvæmd eru fyrir hátíðina.Flestir sem eitthvað eru tengdir ÍBv íþróttafélagi vinna svo við innrukkanir,gæslu,sjoppuafgreiðslu og svona mætti lengi telja.Allar þær orður sem hægt væri að hengja í jakka eins manns dygðu ekki til þess að þakka þeim fyrir þessi störf.

Svo er þetta ekkert búið á hátíðinni sjálfri,því það þarf að standa vaktina til þess að allt rúlli eðlilega og allir standi við sitt.Heimilislíf þessa fólk er markað þessar vikur og fölskyldan situr ekki oft öll saman til borðs .Það verður að bíða seinni tíma.Alls konar kröfur um aukna gæslu hafa farið vaxandi síðustu ár og auka kostnaður hefur lagst á félagið vegna þessara þátta.Það er vegna þess að þetta heitir útihátíð .10.000 manns í Herjólfsdal þarfnast gæslu ,en ástandið er ekki eins og um hverja einustu helgi í miðborg Reykjavíkur.Það er betra.

  Auðvitað verða pústrar,ölvun og sukk,en fjölmiðlar sýna sjaldan gleðina í hvítu tjöldunum,dansinn á pöllunum framundir morgunn.Nei þeir eru yfirleitt mættir í morgunsárið til þess að ná mynd af ruslinu.Ef þeir kæmu um hádegi myndi blasa við þeim önnur sjón.Dalurinn hreinn og strokinn eftir að hreinsunarliðið hefur farið höndum um gersemina.

  Það er eftirtektarvert síðustu ár hversu gestir þjóðhátíðar ofan af landi eru almennt kurteisir og vel útbúnir.Þetta er líka oftast eldri unglingar sem eru sem betur fer komin yfir gelgjuárin .Ef að eitthvað er að veðri ´verður séð um þau,þeim komið í skjól og enginn er látin húka í tjaldi í slagviðri.

  Ekki dæma það sem þið þekkið ekki því lýsing fjölmiðla á fjörinu er oftast þannig að fjallað er um hversu mikið af fíkniefnamálum komu upp(því fleiri sem nást auðvitað því betra)hversu margir dúsuðu í steininum og sérstaklega gaman er að fjalla um slæmt veður.Það er toppurinn.Sem betur fer er fólk komið til að skemmta sér og svo hefur verið síðustu 100 árin.Það hlýtur að vera merki um eitthvað sérstakt andrúmsloft.

  Á föstudaginn streymir fólk í dalinn,prúðbúið ,með bakkelsi,rjómatertur,brauðtertur og annað og startar hátíðinni í faðmi vina og ættingja.Það er dásamlegt og ekki hægt annað en að hrífast með .Lifi þjóðhátíð Vestmannaeyja.

http://bukollabaular.blog.is/blog/bukollabaular/

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.