Það eru einhverjir þrjóskir menn sem eru búnir að segja að þeir vilji ekki lunda úr Grímsey

26.Júlí'08 | 08:14

Lundir lundar

Á fimmtudaginn síðasta birtist viðtal við Magnús Bragason í DV og birtum við það hér að neðan. Maggi er einn albesti reykingamaður á lunda en nú er stutt í Þjóðhátíðina og hefur hann m.a. þurft að fá lunda úr Grímsey til að hafa nægilegt magn til sölu fyrir Þjóðhátíðina.

Hver er maðurinn?
„Magnús Bragason."

Ertu alinn upp í Eyjum?
„Já, fæddur og uppalinn. Það eru ákveðin forréttindi en nauðsynlegt að fara í höfuðborgina að minnsta kosti fjögur ár af ævinni. Ég gerði það til að læra kjötiðn og það voru skemmtileg ár."

Hvað drífur þig áfram?
„Bjartsýni."

Hver er uppáhaldsbókin þín?
„Alkemistinn."

Hver er uppáhaldsmaturinn þinn?
„Reyktur lundi með sveppasósu, brúnuðum kartöflum og heimatilbúinni rabarbarasultu. Ég borða þetta tvisvar á ári."

Hvað hefurðu unnið lengi við lundaverkun?
„Í tuttugu ár. Pabbi minn er mikill veiðimaður og mér finnst svo leiðinlegt að drepa þannig að hann setti mig fljótt í að hamfletta. Þannig þróaðist þetta."

Hvað er það skemmtilegasta við starfið?
„Það er þegar fólki líkar varan og hún selst vel."

Er útlitið mjög svart varðandi lundaveiðina fyrir Þjóðhátíð?
„Það verður alla vega ekki nóg af honum. En ég var að ganga frá kaupum á lunda frá Grímsey rétt áðan og fæ sennilega frá Húsavík líka."

Hefur ástandið aldrei verið verra?
„Ástandið er í raun ekki slæmt. Það sem klikkaði var varpið 2005 og 2006 og þess vegna ákváðu veiðimennirnir sjálfir að draga úr veiðinni, í stað þess að láta setja einhver lög á sig. Það vantar því lunda einfaldlega vegna þess að menn hafa ekki verið að veiða hann nægilega mikið."

Er lundin í Vestmannaeyingum ekki létt þessa dagana vegna stöðu mála?
„Það eru allir léttir í lundu í Eyjum nokkrum dögum fyrir Þjóðhátíð. Hún er þyngri á mánudeginum eftir."

Þurfa Vestmanneyingar ekki að kyngja svolitlu stolti áður en þeir fá aðstoð í lundaveiðinni frá íbúum fámennrar eyjar eins og Grímseyjar?
„Sumir. Það eru einhverjir þrjóskir menn sem eru búnir að segja að þeir vilji ekki lunda úr Grímsey, bara þessari og hinni eyju. En ég efast ekki um að lundinn hjá þeim sé jafn góður og okkar."

http://www.dv.is/brennidepill/2008/7/25/lundin-thyngri-eftir-thjodhatid/

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-