Niðursveiflan frekar höfuðborgarkreppa

14.Júlí'08 | 08:57

vestmannaeyja Vestmannaeyjabær Heimaklettur

Meðan rætt er um kreppu á landinu blómstrar efnahagur Vestmannaeyja, að sögn Elliða Vignissonar, bæjarstjóra Vestmannaeyja. „Staðan í efnahagskerfi sveitarfélagsins er mjög sterk. Eiginfjárstaða atvinnurekanda er sterk." segir hann. „Hér eru miklar framkvæmdir fram undan. Litlar breytingar hafa verið gerðar á áætlunum þrátt fyrir þessa höfuðborgar­­kreppu, sem við viljum kalla svo."

Elliði segir sjávarútveginn öflugan í Eyjum og ferðaþjónustuna eflast. Gengislækkun krónunnar hafi komið þessum atvinnugreinum vel, auk þess sem erfiðleikar í fjármálagreinum hafi fært athygli fjárfesta í auknum mæli til frumatvinnugreina á borð við sjávarútveg. Auk þessa skipti fyrirhugaðar samgöngubætur til Eyja með uppbyggingu Bakkafjöruhafnar miklu máli.

Helga Jónsdóttir, bæjarstýra Fjarðabyggðar, er líka bjartsýn. „Það er geysilegur styrkur fólginn í grunnatvinnugreinunum hérna sem eru framleiðsla á áli og framleiðsla á sjávarafurðum. Við erum með sjávarútvegsfyrirtæki sem standa mjög sterkt og hafa haft tækifæri til að hagræða og sækja fram á undanförnum árum, meðal annars vegna þeirrar eftirspurnar eftir vinnuafli sem hér hefur verið," segir hún. Framlegð Fjarðabyggðar til útflutningstekna þjóðarinnar er tugföld miðað við fjölda íbúa, segir hún.

Halldór Halldórsson, bæjarstjóri á Ísafirði, telur nokkur tækifæri til uppbyggingar í sveitarfélaginu, svo sem í þorskeldi, en hefur þó áhyggjur af niðurskurði aflaheimilda. „Mín tilfinning er frekar góð því ég sé þessi tækifæri, svo framarlega sem [aflaheimildir] dragast ekki enn meira saman," segir hann.

Sigrún Björk Jakobsdóttir, bæjarstjóri Akureyrar, er svartsýnni. „Ég hef áhyggjur af komandi misserum. Ég er ekki sammála því að þetta sé eingöngu höfuðborgarkreppa. Þetta er eitthvað sem allt Ísland mun ganga í gegnum," segir hún. Hún segir að frost sé á fasteignamarkaði á Akureyri. Sveitarfélagið sé ágætlega statt en þoli ekki mikla niðursveiflu.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).