Vodafone gefur reiðhjól til Vestmannaeyja og á Selfoss

20.Júní'08 | 15:51

hjól

Gestir og gangandi á Selfossi og í Vestmannaeyjum eiga þess kost í sumar að fara víðar og lengra en ellla á reiðhjólum í boði Vodafone. Um 40 reiðhjól verða afhent sveitarfélaginu og munu þau nýtast sem ókeypis farkostur fyrir bæjarbúa og ferðafólk í allt sumar. Reiðhjólunum verður komið fyrir við sundlaugarnar á Selfossi og í Eyjum og verða þau aðgengileg til notkunar á opnunartíma þeirra í sumar. 
Frumkvæðið að verkefninu kemur frá Vodafone, sem hefur unnið með Árborg og Vestmannaeyjabæ að framkvæmdinni undanfarna mánuði. Tryggingamiðstöðin útvegar reiðhjólahjálma sem fást afhentir í afgreiðslu sundlauganna til notkunar með hjólunum.

Vodafone afhendir um 400 reiðhjól í 13 sveitarfélögum á landsbyggðinni. Þetta er í fyrsta sinn sem reiðhjólum er dreift til almennings með þessum hætti á Íslandi, en víða í stórborgum erlendis þekkist svipað fyrirkomulag.  Með verkefninu komast því Akureyri, Akranes, Borgarnes, Dalvík, Egilsstaðir, Grindavík, Húsavík, Ísafjörður, Neskaupsstaður, Reykjanesbær, Sauðárkrókur, Selfoss og Vestmannaeyjar í hóp stórborga á borð við Kaupmannahöfn og Barcelona!

Markmið Vodafone með framtakinu er að hvetja til hollrar og skemmtilegrar hreyfingar yfir sumartímann og auðvelda fólki að ferðast innanbæjar á umræddum stöðum. Starfsmenn sveitarfélaganna munu fylgjast með hjólunum á hverjum stað og annast nauðsynlegar viðgerðir.

Meðfylgjandi ljósmyndir voru teknar á fimmtudag, þegar unglingar úr Vinnuskóla Reykjavíkur prufukeyrðu reiðhjólin í Laugardalnum í Reykjavík.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.