Hafa skal það sem sannara reynist

19.Júní'08 | 19:05

logar

Í tilefni skrifa Kristínar Jóhannesdóttur um svokallaðar staðreyndir í "Logamálinu" vil ég koma að eftirfarandi staðreyndum:

Upphafið var það að forsvarsmaður hátíðarinnar hafði samband við undirritaðan sem hef haft bókanir hljómsveitarinnar undir höndum og viðraði við mig þá hugmynd að leika á umræddri hátíð.  Ég tjáði henni strax að hljómsveitin væri nú þegar bókuð þessa umræddu helgi annarstaðar en ég skyldi viðra málið við mína menn. Að því komnu leitaði hugur hljómsveitarinnar  frekar heim til Eyja. Annarri bókun var þá sleppt. Kristín Jóhannsdóttir bað mig vinsamlegast að taka þessa helgi frá og var það gert í góðri trú, Kristínu var fullkunnugt um hvaða krónutölu væri að ræða. Þessi góða trú hélt þó ekki þegar farið var síðan að prútta um kaup og kjör eftir að hljómsveitin sagði sig frá fyrri bókun.
 
Ég er mjög glaður að Kristín skuli skilja áhuga okkar á hátíðinni, en hafa ber í huga að enginn okkar býr í Eyjum lengur, svo það er ansi hæpið að við sitjum við sama borð kostnaðarlega séð eins og hún bendir á í sinni yfirlýsingu, að engin  sanngirni sé í því að greiða öðrum meira en hinum. En það fylgir því nefnilega kostnaður að koma sex manns með hljóðfæri og tækjabúnað til Eyja og kaupa undir hópinn gistingu, það erum nefnilega við sem sitjum ekki alveg við sama borð og aðrar hljómsveitir sem búa í Eyjum. Svo eru hljómsveitirnar mis mannmargar eins og gefur að skilja.
 
Þegar gengið er til slíkra bókana og samninga þurfa hlutirnir að vera uppi á borðinu. Laun og kostnaður er þar ekkert undanskilinn og eiga ekki að vera feimnismál eins og í þessu tilfelli er orðið. Ég tel okkur ekkert merkilegri eða eiga neitt betur heima þarna en aðra listamenn Eyjanna, sem flestir hverjir eru samferðamenn okkar Loganna, vinir og/eða gamlir spilafélagar.

Þetta eru staðreyndir málsins og ekkert annað.

Við óskum Vestmannaeyingum til hamingju með goslokahátíðina og vonumst til að sjá alla á þjóðhátíð, en þar eru Logar nú þegar bókaðir.
 
Fh. Loga:
 
Ólafur Guðlaugsson
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.