ÍBV áfram í 16. liða úrslit VISA bikarsins

18.Júní'08 | 21:42

Arnór ÍBV fótbolti

Nú rétt í þessu mættust lið ÍBV og Leiknis á Hásteinsvelli í 32. liða úrslitum VISA bikarsins, en þetta er í annað sinn sem þessi lið mætast á rétt rúmum mánuði.

Það var ljóst strax í byrjun leiks að ÍBV ætlaði sér áfram í bikarnum og réðu þeir lögum og lofum á vellinum framan af. Allt annað var að sjá til liðsins frá því í síðasta leik og greinilegt að menn höfðu fengið að heyra það frá Heimi þjálfara. Það var svo á 19 mínútu sem það dró til tíðinda en þá skoraði Bjarni Rúnar Einarsson skemmtilegt mark, en hann átti skot að marki sem breytti um stefnu á varnarmanni Leiknis sem setti markvörð þeirra úr jafnvægi og inn fór boltinn, 1 - 0. Aðeins um hálfri mínútu síðar fékk Ingi Rafn Ingibergsson sendingu inn fyrir vörn Leiknismanna og átti ekki í nokkrum erfiðleikum með að koma boltanum í netið framhjá markverði Leiknismanna, enda vörnin sofandi á verðinum. Eftir þessi tvö mörk slökuðu Eyjamenn svolítið á en misstu þó ekki einbeitinguna og leiddu í leikhléi 2 - 0.

Seinni hálfleikur var heldur tíðindaminni en sá fyrri, Eyjamenn áttu þó nokkur færi en voru duglegir að klúðra þeim. Við þetta styrktust Leiknismenn sem voru án vafa sterkari aðilinn í seinni hluta síðari hálfleiks. Þeir áttu fjölmörg færi en eins og Eyjamenn kláruðu þau ekki og varð niðustaðan 2 - 0 sigur Eyjamanna og ÍBV því komið áfram í 16. liða úrslitin. Atli Heimisson fór meiddur útaf um miðjan síðari hálfleik eftir hrottalega tæklingu frá varnarmanni sem fór framhjá dómara leiksins og óvíst hvort hann muni spila næsta leik. Síðari átta leikirnir í bikarnum verða svo spilaðir á morgun og ætti því að verða ljóst hvaða andstæðinga ÍBV fær í 16. liða úrslitum eftir þá leiki.

ÍBV
Byrjunarlið: Albert Sævarsson, Andri Ólafsson, Matt Garner, Arnór Eyvar Ólafsson, Þórarinn Ingi Valdimarsson, Augustine Nsumba, Italo Jorge, Pétur Runólfsson, Bjarni Rúnar Einarsson, Ingi Rafn Ingibergsson, Atli Heimisson.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).