Sextán ára systir Gunnars Heiðars valin í landsliðið

14.Júní'08 | 07:00

Berglind

Berglind Björg Þorvaldsdóttir, systir Gunnars Heiðars, var í dag valin í íslenska landsliðið þrátt fyrir ungan aldur en hún er sextán ára gömul.

„Mér brá frekar mikið enda átti ég ekki von á þessu," sagði Berglind í samtali við Vísi í dag. „Mér líst auðvitað vel á þetta enda fæ ég nú tækifæri til að spila með bestu leikmönnum landsins. Ég ætla auðvitað að gera mitt besta til að halda sætinu."

Gunnar Heiðar leikur með Vålerenga í Noregi og hefur verið fastamaður í íslenska landsliðinu undanfarin ár. „Ég hef auðvitað verið dugleg að mæta á völlinn þegar hann er að spila með landsliðinu og býst við því að hann muni mæta til að styðja mig."

Gunnar Heiðar lék með ÍBV áður en hann hélt í atvinnumennskuna en fjölskyldan flutti úr Vestmannaeyjum í Kópavog fyrir fjórum árum síðan. Þá gekk Berglind í raðir Breiðabliks og er nú á sínu öðru ári með meistaraflokki félagsins.

Móðir þeirra, Sólveig Anna Guðmundsdóttir, er vitanlega stolt af börnunum. „Við höfum verið dugleg að styðja krakkana og höfum fylgt þeim hvert sem þau fara," sagði hún. „Nú erum við búin að koma helmingi þeirra í landsliðið," bætti hún við í léttum dúr.

Berglind er þó ekki yngst þeirra systkina. Eyþór Örn er ellefu ára og þykir efnilegur knattspyrnumaður. „Hann er eldfljótur sóknarmaður," sagði Sólveg.

Þriðji bróðirinn, Björgvin Már, er 22 ára en þurfti að leggja skóna á hilluna eftir erfið meiðsli.

www.visir.is greindi frá

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).