Endurskoða þarf aðferðir sem notaðar eru við ákvörðun um nýtingu fiskistofnanna

11.Júní'08 | 11:06

Vestmannaeyjahöfn

Á almennum félagsfundi í Útvegsbændafélagi Vestmannaeyja sem haldinn var 6. júní sl. var farið yfir tillögur Hafrannsóknastofnunarinnar um hámarksafla á næsta fiskveiðiári.  Ljóst er að tillögur Hafró eru mikil vonbrigði fyrir þá sem stunda útgerð en lagt er til að veiðar á þorski verði takmarkaðar enn frekar þrátt fyrir 30% niðurskurð þorskafla á yfirstandandi ári.

Telja félagsmenn að mikið ósamræmi sé milli tillagnanna og þess góða ástands sem sjómenn og útgerðarmenn hafa upplifað á miðunum í kringum landið og hafa þeir efasemdir um að tillögurnar séu byggðar á nægilega traustum grunni.  Félagið styður tillögur LÍÚ um hámarksafla einstakra tegunda á næsta fiskveiðiári.

Ábyrgar fiskveiðar og skynsamleg nýting fiskistofnanna er engum eins mikilvæg og sjávarútvegsfyrirtækjum og starfsmönnum þeirra. Til þess að tryggja að svo megi verða þurfa stjórnvöld, Hafró og hagsmunaaðilar að leggja aukinn kraft í hafrannsóknir. Í því sambandi minnir félagið á nauðsyn þess að efla samstarf milli Hafró og sjómanna. Þá er að mati félagsmanna nauðsynlegt að fara ofan í kjölinn á núverandi rannsóknaraðferðum við mat á stofnstærð og veiðiþoli einstakra tegunda m.a. með tilliti til þess að þrátt fyrir minni veiði í einstökum tegundum en Hafró lagði til fyrir ári síðan þá leggur stofnunin til enn meiri niðurskurð aflaheimilda.  Framundan er erfiður róður þar sem bæði er nauðsynlegt að byggja upp traust milli Hafró og aðila í sjávarútvegi og einnig að endurskoða aðferðir sem notaðar eru við ákvörðun um nýtingu fiskistofnanna.    
                                                                                                                                                                                   Stjórn Útvegsbændafélags Vestmannaeyja

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).