Lið frá Norðurlöndum spyrjast fyrir um Atla Heimisson

9.Júní'08 | 09:29

Atli Heimisson leikmaður ÍBV hefur vakið áhuga liða á Norðurlöndunum með frammistöðu sinni með ÍBV á þessari leiktíð.
Atli hefur skorað þrjú mörk í fjórum leikjum í 1.deildinni og eitt mark í einum leik í VISA-bikarnum.
Atli hefur verið lykilmaður hjá ÍBV í sumar sem hefur unnið alla fimm leiki sína, hafa skorað 11 mörk og ekki fengið á sig eitt einasta.

,,Atli er góður leikmaður og slíkir vekja alltaf áhuga," sagði Guðlaugur Tómasson umboðsmaður Atla í samtali við Fótbolta.net en hann vildi ekki gefa upp hvaða lið hefðu spurst fyrir um hann.

,,Það hafa verið fyrirspurnir um hann aðallega frá Norðurlöndum, en ekkert sem má segja að sé staðfestur áhugi eins og er, en það má alveg segja að hann sé áhugaverður fyrir mörg félög," sagði Guðlaugur.

Atli kom til ÍBV frá Aftureldingu í byrjun síðasta sumars og lék vel með Eyjamönnum í fyrstu deildinni en hann skoraði átta mörk í sautján leikjum þar, sem og þrjú mörk í jafnmörgum leikjum í VISA-bikarnum.

Þessi tvítugi leikmaður var fyrir tveimur árum valinn efnilegasti leikmaðurinn í annarri deild karla í vali fyrirliða og þjálfara.

Eftir síðustu leiktíð fór Atli til reynslu hjá Enköping í Svíþjóð en Jesper Blomqvist fyrrum leikmaður Manchester United er á meðal þjálfara hjá félaginu.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).