ÍBV mætir ÍR í Visa Bikarnum í dag kl 20:00

3.Júní'08 | 09:18

Atli Heimisson fagnar marki, ÍBV

VISA bikarkeppnin er með breyttu sniði í ár og ÍBV hefur leik í keppninni í kvöld þegar ÍR-ingar koma í heimsókn á Hásteinsvöll.  Leikurinn hefst kl 20:00.  ÍR er sem stendur í efsta sæti 2.deildar. 

Hvað segir Heimir Hallgrímsson um leikinn?

Mér finnst þetta nýja fyrirkomulag í VISA bikarnum vera mun skemmtilegra.  Leikurinn í dag er í 64 liða úrslitum.  Þetta er jafnframt síðasta umferðin áður en úrvalsdeildarfélögin koma inn í keppnina.  Fyrir utan að koma fyrr inn í keppnina geta úrvalsdeildarfélögin lent saman í öllum umferðum ólíkt því sem var áður þegar þau dróust sjálfkrafa gegn neðri deildar félögum.

Þessi mikla framför og nýbreytni sem skapar meiri möguleika fyrir neðri deildar félög að komast lengra í keppninni eins og annarstaðar í heiminum er Hjalta Kristjánssyni að þakka en hann barðist fyrir þessari breytingu í nokkur ár áður en hún var samþykkt á ársþingi KSÍ fyrir tveimur árum.

Mótherjar okkar í dag eru Reykjavíkurmeistararnir 2008 ÍR.  Mikið uppbyggingarstarf er í gangi í Breiðholtinu bæði er aðstaða félagsins orðin stórglæsileg og innra starfið í fótboltanum með því besta sem gerist.  Meistaraflokkar félagsins bæði í karla og kvennaknattspyrnu eru á mikilli uppleið.

Þjálfara meistaraflokks ÍR ættu Eyjamenn að kannast við en það er eðaldrengurinn Guðlaugur Baldursson sem þjálfaði meistaraflokk ÍBV árin 2005 og 2006. 

Laugi hefur byrjað með látum hjá ÍR.  Hann gerði liðið eins og áður sagði að Reykjavíkurmeisturum.  Á þeirri leið sigraði ÍR úrvalsdeildarliðin  Val, KR og Fjölni í riðlinum og svo Frammara í úrslitaleiknum.   Næsta undirbúningsmót sigruðu ÍR-ingar sömuleiðis en þeir urðu Lengjubikarmeistarar í b-deild.

Þeir hafa svo byrjað Íslandsmótið með sömu sigurgöngu og unnið alla þrjá fyrstu leiki sína til þessa og eru sem stendur í fyrsta sæti 2.deildar (4 sigrar í 4 leikjum). Síðasti leikur ÍR var 5-1 sigur gegn Völsungi.

Það má því sjá á þessari upptalningu að leikurinn verður okkur Eyjamönnum erfiður og þrátt fyrir að andstæðingurinn leiki einni deild neðar en við hafa þeir nú þegar lagt bestu lið úrvalsdeildar að velli sem sýnir styrk þeirra.

Ég vona og ég trúi því að hvorki leikmenn né stuðningsmenn ÍBV sýni gestunum ekkert vanmat og skili sínu hlutverki þannig að við Eyjamenn getum verið stolltir í lok dags.

Bæði liðin hafa verið á sigurbraut en sigurganga annars liðsins endar á Hásteinsvelli í kvöld.  Stöndum saman og sjáum öll til þess að ÍBV verði í pottinum á morgun þegar úrvalsdeildarliðin koma til sögu í 32-liða úrdráttinn.

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).