ÍBV áfram í 32. liða úrslit VISA bikar karla

3.Júní'08 | 23:06
ÍBV mætti 2. deildar liði ÍR í 64. liða úrslitum VISA bikarsins í kvöld í vægast sagt mjög spennuþrungnum leik. Leikurinn endaði í framlengingu þar sem enginn annar en Atli Heimisson var hetja Eyjamanna.

Leikurinn var spilaður í miklu roki sem setti mark sitt að miklu leyti á leikinn hjá báðum liðum. ÍR byrjaði undan vindi en það voru engu að síður ÍBV sem byrjuðu á því að skora á 14. mínútu, en þar var á ferðinni Anton Bjarnason sem afgreiddi boltann snyrtilega framhjá markmanni ÍR-inga. Eftir markið sóttu ÍR-ingar í sig veðrið og settu mikla pressu á ÍBV. Þeir uppskáru svo mark á 30. mínútu þar sem sóknarmaður þeirra vippaði boltanum framhjá Elíasi Fannari í markinu hjá ÍBV og þannig skildu liðin í hálfleik.

Seinni hálfleikur varð hins vegar ekki jafn líflegur og sá fyrri, en það voru ÍR-ingar sem tóku forystu í leiknum á 51. mínútu eftir algjöran klaufagang í vörn ÍBV, og greinilegt að það voru úrslit sem þeir ætluðu sér að sitja á. Eftir þetta mark varð leikurinn algjör einstefna á mark ÍR-inga sem stóðu þéttir í vörninni. Matt Garner átti stórkostlegt skot beint úr aukaspyrnu sem small í þverslánni og hvað eftir annað náði markmaðurinn að verja frá sóknarmönnum ÍBV. Það varð því allt vitlaust á vellinum þegar Bjarni Rúnar Einarsson skoraði glæsilegt mark sjö mínútum fyrir leikslok og tryggði þannig ÍBV áfram í framlengingu.

Framlengingin byrjaði rólega og greinilegt að menn voru orðnir þreyttir. Það var svo enginn annar en Atli Heimisson sem fékk boltann inn í vítateig andstæðinganna og lék snyrtilega á markmann ÍR-inga og renndi boltanum í netið, 3 - 2. Það urðu lokatölur leiksins og ÍBV því komið áfram í 32. liða úrslit VISA bikarsins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.