Lokatilboðið áfram á borðinu

21.Maí'08 | 06:39

Vestmannaeyjar Vestmannaeyjabær

„Það kæmi mér á óvart ef þessu tilboði yrði ekki tekið," segir Elliði Vignisson, bæjarstjóri í Vestmannaeyjum, um endurskoðað tilboð bæjarins og Vinnslustöðvarinnar í smíði og rekstur nýrrar farþegaferju.

Nýtt tilboð er tveim milljörðum króna lægra en fyrra tilboð upp á rúma 16 milljarða. Kostnaðaráætlun verkefnisins er rúmir tíu milljarðar. Upphaflegur frestur samgönguyfirvalda til að svara endurnýjuðu tilboði rann út á hádegi í gær en Eyjamenn hafa gefið frest til hádegis á fimmtudag.

Siglingastofnun hafnaði fyrra tilboðinu á þeim forsendum að það væri langt yfir kostnaðaráætlun og fór fram á að það yrði endurskoðað. „Þetta tilboð er niðurstaða úr samningaviðræðum með Ríkiskaupum, Siglingastofnun og fulltrúum samgönguráðuneytis. Það er einsýnt að upphafleg kostnaðaráætlun ríkisins fær ekki staðist lengur. Ýmsar forsendur eru breyttar." Elliði bendir á að fjármagnskostnaður hafi hækkað mikið á stuttum tíma og það sama eigi við um verð á smíðajárni.

„Þetta er lokatilboð af okkar hálfu og um það verður samið eða ríkið verður að leita annarra leiða til að tryggja að ný ferja verði farin að sigla í Landeyjarhöfn árið 2010." Forsvarsmenn Siglingastofnunarinnar vildu ekki tjá sig í gær um líkur þess að nýju tilboði yrði tekið eða því hafnað.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%