Hermann Hreiðarsson fyrstur Íslendinga til að vinna enska bikarinn

17.Maí'08 | 16:18
Portsmouth tókst nú rétt í þessu að landa sigri gegn Cardiff í úrslitaleik ensku bikarkeppninnar sem fram fór á sneisafullum Wembley leikvanginum í Lundúnum. Það var Nígeríumaðurinn, Nwankwo Kanu sem skoraði sigurmarkið í fyrri hálfleik. Er þetta annar bikartitill Portsmouth í sögu félagsins en sá fyrsti kom í hús árið 1939.

Hermann Hreiðarsson sem var í byrjunarliði Portsmouth var þar með fyrstur Íslendinga til að vinna hina fornfrægu og elstu bikarkeppni í heimi.

Það voru ef til vill ekki miklar væntingar gerðar til þessa úrslitaleiks milli Portsmouth sem endaði í áttunda sæti í ensku úrvalsdeildinni og hins vegar Cardiff City sem spilar í Championship deildinni. Hvað sem því líður þá reyndist leikurinn mun betri skemmtun en drepleiðinlegur úrslitaleikur milli Chelsea og Manchester United í fyrra.

Leikurinn fór mjög fjörlega af stað og bæði lið skiptust á að sækja á víxl. Cardiff City neðri deildarliðið frá Wales var alls ekki síðri aðilinn en úrvalsdeildarliðið sem talið var nokkuð sigurstranglegra.

En eina mark leiksins kom á 37. mínútu í fyrri hálfleik þegar John Utaka náði góðri fyrirgjöf frá hægri Peter Enckelman finnski markvörðurinn í marki Cardiff tókst ekki að halda knettinum sem barst til Nwankwo Kanu sem þakkaði pent fyrir sig og skilaði boltanum í netið.

Leikmenn Cardiff gerðu allt hvað þeir gátu til að jafna leikinn í seinni hálfleik en allt kom fyrir ekki en þeir geta gengið stoltir af velli enda mótspyrna þeirra til fyrirmyndar.

tekið af fótbolti.net

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.