Hermann: Þetta verður stærsti leikur ferilsins

16.Maí'08 | 17:24

Hemmi Hreiðars Hermann Hreiðarsson

Hermann Hreiðarsson segir í samtali við Vísi í dag að bikarúrslitaleikur Portsmouth og Cardiff á morgun verði sá stærsti á sínum ferli.
Hann var staddur á hóteli rétt utan Lundúna þegar Vísir náði tali af honum þar sem liðið hefur dvalist og undirbúið sig fyrir leikinn stóra á morgun.

„Nú er þetta allt að bresta á. Þessi vika hefur verið mjög fín og undirbúningurinn eins og best verður á kosið. Það er létt yfir mannskapnum og spenningurinn auðvitað mikill," sagði Hermann.

Portsmouth hefur einu sinni áður orðið ensku bikarmeistari. Það var árið 1939 en auk þess hefur liðið tvívegis orðið Englandsmeistari, árin 1949 og 1950. Það var í síðasta skiptið sem Porstmouth vann einn af stærstum titlum enskrar knattspyrnu. Biðin er því orðin löng en Portsmouth hefur aldrei komist aftur í bikarúrslitin síðan liðið varð meistari árið 1939. Liðið komst að vísu í undanúrslitin árið 1992.

„Þetta er stærsti leikur félagsins í seinni tíð. Það er einnig jákvætt að komast svona langt í keppni sem stóru félögin fjögur hafa einokað síðastliðin þrettán ár. Það er því stór dagur framundan fyrir alla hjá félaginu og stuðningsmenn þess," sagði Hermann.

Manchester United, Arsenal, Liverpool og Chelsea hafa skipst á að vinna ensku bikarkeppnina síðan að Everton varð bikarmeistari árið 1995.

„Við erum þó vel meðvitaðir um að við erum ekki búnir að vinna neitt enn og það stefnir í gríðarlegan erfiðan leik á morgun. Það hefur áður sýnt sig í þessari keppni að það gefur liðum ekkert að vera sterkari á pappírnum."

Andstæðingur Portsmouth, Cardiff, leikur í ensku B-deildinni og hafnaði í tólfta sæti. Í undanúrslitunum lagði Portsmouth annað B-deildarlið, WBA.

„Leikurinn gegn West Brom var mjög erfiður og það er von á öðru eins og morgun. Við höfum reynt af fremsta megni að undirbúa okkur fyrir leikinn fyrir morgun og reynt að greina veikleika liðsins."

Hermann segir að bikarúrslitaleikurinn hafi ekki truflað leikmenn Portsmouth á lokasprettinum í deildinni þó svo að menn hafi vissulega verið meðvitað um að hann nálgaðist óðum.

„Við höfum reyna að einbeita okkur að einu verkefni í einu. Nú þegar það er loksins komið að þessu þýðir lítið að velta sér upp úr þessu öllu stundum. Við reynum að dreifa huganum og hugsa um eitthvað annað inn á milli."

Hermann meiddist í síðasta mánuði en segist vera orðinn góður af þeim. „Ég hef ekkert fundið fyrir meiðslunum og þau hafa ekkert truflað mig í síðustu leikjum. Ég er því klár í slaginn fyrir morgundaginn," sagði hann en Harry Redknapp hefur ekki enn tilkynnt byrjunarliðið. En ef allt er eðlilegt verður Hermann á sínum stað í vörninni.

„Ég vona bara það besta," sagði hann í léttum dúr.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.