Hreinsunarátak 2008 - lóðahreinsun- vorhreinsun

29.Apríl'08 | 10:14

Vestmannaeyjar Vestmannaeyjabær

Árlegt vorhreinsunarátak verður 5-16. maí n.k. og vilja bæjaryfirvöld hvetja íbúa til að hreinsa lóðir sínar í hinu sameiginlega árlega átaki við að hreinsa og fegra bæinn. Mikilvægt er fyrir ásýnd bæjarins að húseignir og lóðir séu snyrtilegar.

Húseigendum og lóðarhöfum er skylt að sjá um að svo sé. Þó er víða að finna hús og lóðir þar sem viðhaldi og frágangi mannvirkja er verulega ábótavant. Þetta setur ekki einungis ljótan svip á umhverfið heldur leiðir það oftast til aukakostnaðar síðar fyrir eigendur og rýrir endursöluverð eigna. Húseigendur og lóðarhafar eru því hvattir til þess að huga vel að eignum sínum með stöðugu viðhaldi.

Bent er á að hægt er að losa sorpið í flokkunarstöð Sorpeyðingarstöðvarinnar. Þessar tvær vikur munu starfsmenn Þjónustumiðstöðvar fara um hverfi bæjarins og hirða upp rusl, en skipulag verður sem hér segir:
* Mánudag og þriðjudag 5. og 6. maí
**Svæði 1: Svæðið frá hraunjaðri að Skólavegi, neðan Kirkjuvegar.
* Miðvikudag og fimmtudag 7. og 8. maí
** Svæði 2: Svæðið frá Skólavegi að Illugagötu.
* Föstudag og mánudag 9. og 12. maí
** Svæði 3: Svæðið ofan Kirkjuvegar, austan Strembugötu.
* Þriðjudag og miðvikudag 13. og 14. maí
** Svæði 4: Svæðið ofan Kirkjuvegar, vestan Strembugötu.
* Fimmtudag og föstudag 15. og 16. maí
** Svæði 5: Vesturbærinn
Kort af svæðinu má sjá  Hér


Allt rusl sem fellur til við lóðarhreinsun skal skilja eftir við gangstéttarbrún, flokkað, og skal það vera í umbúðum eða bundið þannig að auðvelt er að fjarlægja það. Ruslið skal flokkað sem hér segir:

  • Garðaúrgangur, trjágreinar,
  • brennanlegt sorp,
  • málmar
  • gler

Óheimilt er með öllu að skilja eftir númerslausa bíla og bílgarma á götum og bifreiðastæðum bæjarins. Bíleigendur skulu sjá um að koma slíkum bílum til geymslu eða eyðingar, að öðrum kosti munu þeir verða fjarlægðir á kostnað eigenda.

Ýmis konar efnavörur til heimilisnota eru skaðlegar bæði mönnum og umhverfinu. Rétt notkun þeirra er nauðsynleg og þá ekki síður förgun þeirra að notkun lokinni. Algeng spilliefni sem notuð eru á heimilum eru til dæmis rafhlöður og rafgeymar, lökk og lakkleysar, málning og fleira. Tekið er á móti öllum spilliefnum frá heimilum í Sorpeyðingarstöðinni og apótek taka á móti öllum lyfjaafgöngum. Nánari upplýsingar um flokkun og skil er á www.vestmannaeyjar.is/sorp
Að gefnu tilefni eru bæjarbúar vinsamlegast beðnir um að losa garðaúrgang úr plastpokum þegar hent er í gáminn við Sorpeyðingarstöðina.


Allar nánari upplýsingar veittar í Sorpeyðingarstöð  í síma 481 3338 og á www.vestmannaeyjar.is
Umhverfis-og framkvæmdasvið Vestmannaeyjabæjar

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is