Góður afli í netaralli Hafró

25.Apríl'08 | 11:28

Þorskur fiskur

Árlegt netarall Hafrannsóknastofnunarinnar sem hófst 2. apríl fer senn að ljúka. Þrátt fyrir að Þrátt fyrir að aflinn í netaralli sé minni í ár en í fyrra þá hafa bátarnir í rallinu verið að fá ágætisafla. Það þarf að fara nokkur ár aftur í tímann til að finna sambærilegan afla og síðustu tvö ár.

Aðeins er eftir að ljúka sýnatöku á svæðinu fyrir norðaustan land en gert er ráð fyrir að það klárist um helgina. Sjö bátar hafa tekið þátt í netarallinu. Arnar SH var í Breiðafirði, Saxhamar SH í Faxaflóa, Friðrik Sigurðsson ÁR á svæðinu frá Reykjanesi að Þrídröngum, Glófaxi VE frá Þrídröngum að Skeiðarárdjúpi og Hvanney SF frá Meðallandsbugt að Hvítingum. Sædís ÍS var í Ísafjarðardjúpi og Þorleifur EA á svæðinu frá Húnaflóa að Þistilfirði, samkvæmt upplýsingum frá Hafró.

Um 45-50 trossur að meðaltali eru lagðar á svæðunum, misjafnt eftir stærð þeirra og er þeim dreift innan svæða á helstu hrygningarslóðum þorsks.

„Þrátt fyrir að aflinn í netaralli sé minni í ár en í fyrra þá hafa bátarnir í rallinu verið að fá ágætisafla. Það þarf að fara nokkur ár aftur í tímann til að finna sambærilegan afla og síðustu tvö ár en þorskaflinn er orðinn um 410 tonn en var rétt rúm 470 tonn í fyrra.

Aflinn var betri hjá Friðriki Sigurðssyni og Hvanney í ár. Það lítur einnig út fyrir að aflinn fyrir norðan verði betri, en Þorleifur fékk góðan afla við Grímsey í upphafi rallsins og landaði 23 tonnum af þorski miðað við slægt. Á öðrum svæðum hefur aflinn verið minni í ár en í fyrra, t.d. var afli Glófaxa VE í köntunum fyrir austan Eyjar 64 tonn af þorski en aflinn á sama svæði í fyrra var 80 tonn af þorski," að því er fram kemur á vef Hafrannsóknarstofnunar.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%