Þorlákshöfn ekki varahöfn fyrir nýjan Herjólf

23.Apríl'08 | 21:20

þorlákshöfn, Herjólfur

Þorlákshöfn verður ekki varahöfn fyrir Herjólf þegar ekki er fært milli Vestmannaeyja og nýju hafnarinnar í Bakkafjöru. Þetta kemur fram í viðtali við Ólaf Áka Ragnarsson, bæjarstjóra í Ölfusi, í Sunnlenska fréttablaðinu í dag.

„Við erum með mjög verðmætt og eftirsótt svæði á hafnarsvæðinu og það er á hreinu að það verður ekki varasvæði fyrir Herjólf. Þetta er allt of verðmætt svæði til þess að það standi autt og sé notað í undantekningartilfellum," segir Ólafur Áki.

„Það hefur enginn rætt við okkur um breytingar á rekstri Herjólfs eða að breytingar verði á Þorlákshöfn sem ferjuhöfn. Það er mjög sérstakt í öllu þessu ferli að samgönguráðuneyti eða Vegagerðin ræði þessi mál ekki við okkur. Það eru tvö ár í það að Landeyjahöfn opni og einu fréttirnar sem við fáum af þessu máli eru úr fjölmiðlum," segir Ólafur jafnframt.

Í frétt Sunnlenska segir að athafnasvæði Herjólfs í Þorlákshöfn er stórt en þar er sérsmíðaður hafnarkantur fyrir bílaferju, aðstöðuhús og stórt bílastæði. Ólafur segir að ef Herjólfur fari hafi sveitarfélagið fjölmarga kosti í nýtingu á þessu svæði, enda sé það eftirsótt.

„Þetta er kannski lýsandi fyrir alla ákvarðanatökuna í þessu máli. Það er aldrei rætt við okkur eða skoðað með nýtt skip heldur er þetta einhliða ákvörðun samgönguyfirvalda." Ólafur segir sveitarfélagið hafa kynnt málið fyrir þingmönnum kjördæmisins á fundi í febrúar. „Við ræddum þetta þar og lýstum því yfir að okkur þætti þetta vægt til orða tekið mjög sérstök vinnubrögð," segir Ólafur að lokum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.